کویت سٹی: خلیجی ملک کویت میں داخل ہونے کے لیے مسافروں کو 50 دینار اضافی دینا ہوں گے۔
غیرملکی خبررساں ادارے کی رپورٹ کے مطابق ایئرلائنز کویت آنے والے مسافروں سے 50 دینار اضافی پی سی آر(کوروناوائرس ٹیسٹ) کی مد میں وصول کریں گی۔ کویتی وزار کونسل نے فیصلہ کرلیا ہے۔
رپورٹ کے مطابق مذکورہ فیصلے کے بعد ڈائریکٹریٹ آف سول ایوی ایشن نے کویتی ہوائی اڈے کی تمام آپریٹنگ ایئرلائنز کو پی سی آر ٹیسٹوں کی قیمت وصول کرنے کی ہدایت کردی۔
کویت: 17 سو سے زائد ورک پرمٹ منسوخ
کویت آنے والے مسافروں کو پی سی آر ٹیسٹ کی مد میں پچاس دینار دینا لازمی ہوگا۔
حکام کا کہنا ہے کہ پی سی آر ٹیسٹ کے 25 کویتی دینار وصول کریں گے لیکن دو ٹیسٹوں کی کل قیمت 50 دینار ہوگی۔ پہلا ٹیسٹ کویت آمد پر ہوگا اور دوسرا گھریلو قرنطین کے ساتھ دن بعد ہوگا۔
خیال رہے کہ اضافی رقم کی کٹوتی ایئرلائنز ٹکٹوں سے ہی کریں گی۔
