The news is by your side.

Advertisement

متحدہ عرب امارات میں نوزائیدہ بچوں سے متعلق نئی پالیسی سامنے آگئی

ابوظہبی: متحدہ عرب امارات کی کایبنہ نے ملک میں نوزائیدہ بچوں سے متعلق نئی پولیسی کی منظوری دے دی۔

غیرملکی خبررساں ادارے کی رپورٹ کے مطابق متحدہ عرب امارات میں تمام نوزائیدہ بچوں کے لیے کسی بھی حالیہ یا پھر مستقبل کی بیماریوں کی نگرانی کے لیے ایک جامع طبی معائنے کے نظام کی منظوری دے دی گئی۔

اس طبی معائنے کے نظام کے تحت نوازئیدہ بچوں کے خصوصی ٹیسٹ اور اسکریننگ کی جائے گی جس کے ذریعے حال اور مستقبل کی بیماریوں کی تشخیص کو یقینی بنایا جاسکے گا۔ نئے طبی سسٹم کی منظوری آج ہونے والے کابینہ اجلاس میں دی گئی جس کی صدارت اماراتی وزیراعظم شیخ محمد بن راشد المختوم نے کی۔

نئے ضابطے کے تحت ملک میں تمام نوزائیدہ بچوں کی اسکریننگ کی جائے گی جہاں صحت سے متعلق چیلنجز سے نمٹنے اور ان کو قابو پانے کے لئے ایک موثر حکمت علمی تیار کی جائے گی۔

یو اے ای: محکمہ صحت نے مزید 6 افراد میں کرونا وائرس کی تصدیق کردی

غیرملکی میڈیا نے خیال ظاہر کیا ہے کہ یو اے ای کا یہ فیصلہ کروناوائرس کے پیش نظر سامنے آیا ہے۔

خیال رہے کہ متحدہ عرب امارات میں مقیم شہریوں نے کرونا وائرس سے محفوظ رہنے کے لیے حفاظتی ماسک کا استعمال شروع کردیا ہے جبکہ کرونا وائرس کے حوالے سے ہوائی اڈوں پر بھی سکریننگ کے خصوصی انتظامات کیے گئے ہیں۔

Comments

یہ بھی پڑھیں