لاہور:جنرل اسپتال میں ڈاکٹر کی مبینہ غفلت، 57 سالہ مریضہ جاں بحق: Hosptial
The news is by your side.

Advertisement

لاہور: اسپتال میں ڈاکٹر کی مبینہ غفلت، 57 سالہ مریضہ جاں بحق

لاہور: پنجاب کے دارالحکومت میں قائم جنرل اسپتال میں ڈاکٹر کی مبینہ غفلت کے باعث 57 سالہ مریضہ جان کی بازی ہار گئی۔

تفصیلات کے مطابق یہ افسوس ناک واقعہ لاہور کے علاقے فیروز پور روڈ پر قائم جنرل اسپتال میں پیش آیا جہاں گھٹنوں میں درد کی شکایت پر لائی گئی مریضہ ڈاکٹر کی غفلت کے باعث جاں بحق ہوگئی۔

ورثا نے موقف اختیار کیا ہے کہ خاتون کو گھٹنے میں درد کی شکایت پر اسپتال لائے تھے، ڈاکٹر کے غلط انجکشن لگانے کے باعث خاتون کا انتقال ہوا۔

ڈاکٹروں کی غفلت نے مریضہ کی جان لے لی، وزیراعلیٰ پنجاب کا نوٹس، رپورٹ طلب

دوسری جانب جاں بحق خاتون کے ورثا نے فیروز پور روڈ پر لاش رکھ کر احتجاج بھی کیا، واقعے میں ملوث ڈاکٹر اسپتال سے فرار ہوگیا ہے۔

خیال رہے کہ گذشتہ ماہ پنجاب کے ضلع پاکپتن کے ڈی ایچ کیو اسپتال میں ڈاکٹروں کی غفلت نے دل کی تکلیف کی شکار مریضہ کی جان لے لی تھی۔

واضح رہے کہ ڈاکٹروں نے موقف اختیار کیا تھا کہ مریضہ مردہ حالت میں اسپتال لائی گئی تھی، تاہم اسپتال کی سی سی ٹی وی فوٹیج نے اسپتال انتظامیہ کی غفلت کا پول کھول دیا تھا، مریضہ اسپتال میں زندہ لائی گئی تھی۔

Comments

comments

یہ بھی پڑھیں