واشنگٹن: امریکی شہر نیویارک میں کورونا ویکسین لگوانے والوں کو 100 ڈالر(تقریباً 16 ہزار پاکستانی روپے) انعام کے طور پر دیا جائے گا۔
تفصیلات کے مطابق نیویارک میں وہ شہری جنہوں نے کوروناوائرس کی ویکسین لگوا لی یا پھر لگوائیں گے انہیں سو ڈالر انعام کے طور پر ملیں گے۔ میئر نے اعلان کردیا۔
شہر کے میئر کا کہنا ہے کہ ویکسین لگوانے والے ہر شخص کو100ڈالرز دیے جائیں گے۔
علاوہ ازیں امریکا میں کوروناویکسین لگوانا لازمی قرار دیے جانے پر غور کیا جارہا ہے۔ امریکی ماہرین نے خدشہ ظاہر کیا ہے کہ اکتوبر تک وبا سے مزید60ہزار افراد کی ہلاکت کا خدشہ ہے۔
امریکی صدر نے بڑے فیصلے کا عندیہ دے دیا
حکام نے زور دیا ہے کہ شہری بڑھ چڑھ کر ویکسینیشن کے عمل کا حصہ بنیں۔ خیال رہے کہ کوروناوائرس کی بھارتی قسم ڈیلٹا دنیا بھر میں تیزی سے پھیل رہی ہے۔
قبل ازیں امریکا میں بڑھتے کورونا کیسز کے پیش نظر بیماریوں کے کنٹرول اور روک تھام کے مراکز (سی ڈی سی) نے ماسک پہننے کی پابندی دوبارہ نافذ کی اور شہریوں کو ہدایت کی کہ وہ ہر صورت عمل کریں۔