The news is by your side.

Advertisement

کراچی، تالے توڑ کردکانیں لوٹنے والا ملزم گرفتار

کراچی : الفلاح پولیس نے شاہ فیصل کالونی میں دکانوں کے کنڈے کاٹ کرنقب لگانے والےملزم ریحان کو گرفتار کر کے اسلحہ برآمد کرلیا ہے۔

تفصیلات کے مطابق الفلاح پولیس نے کاررواِئی کرتے ہوئے کنڈے کاٹ کر دکانے لوٹنے والا ملزم کو گرفتار کرکے مزید تفتیش کے لیے الفلاح پولیس تھانے منتقل کردیا گیا ہے۔

پولیس کے مطابق ملزم ریحان نقب زنی کی متعدد وارداتوں میں ملوث ہے جو اپنے ساتھیوں کے ہمراہ رات گئے شاہ فیصل کالونی کی مارکیٹ میں واقع دکانوں کے تالے توڑ کرنقب لگا لیا کرتا تھا۔

پولیس کے مطابق ملزم کے گروہ میں سات سے آٹھ جرائم پیشہ افراد شامل ہیں،اس سے قبل ملزم کے خلاف غیرقانونی اسلحے سمیت تین مقدمات درج ہیں گرفتارملزم ریحان 2013 سے 2015 تک 2 بار جیل کی سزا بھی کاٹ چکا ہے۔

پولیس حکام کے مطابق گرفتار ملزم کے قبضے سے اسلحہ ملا ہے ملزم سے مزید تحقیقات جاری ہے جس کی روشنی میں مزید گرفتاریوں کا امکان ہے۔

واضح رہے شاہ فیصل کالونی مارکیٹ کے تاجروں نے بند دکانوں کے تالے توڑ کر لوٹنے کے حوالے کئی بارپولیس اسٹیشن میں شکایت درج کروائی تھی جس پر کارروائی کرتے ہوئے الفلاح تھانے نے ملزم کو گرفتارکرلیا۔

Comments

comments

یہ بھی پڑھیں