راولپنڈی: ملک میں اشیائے خورونوش کی قیمتوں میں ہوشربا اضافہ کا سلسلہ جاری ہے۔
اے آر وائی نیوز کے مطابق ملک میں مہنگائی کی شرح میں مسلسل اضافہ دیکھا گیا ہے، رپورٹ کے مطابق مہنگائی کی شرح 27.57 فیصد تک جاپہنچی ہے۔
مارکیٹ ذرائع کے مطابق 15 کلو آٹے کا تھیلا 22 سو سے بڑھ کر23 سو روپے کا ہوگیا، چینی فی کلو 155 روپے سے بڑھ کر 160 روپے میں فروخت ہونے لگی۔
مارکیٹ ذرائع کا بتانا ہے کہ ڈبل روٹی 115 سے 230 روپے کی ہوگئی، انڈے فی درج 280 سے بڑھ کر 300 روپے ہوگئے، دال مسور 360، دال ماش 580، دال چنا 260 روپے کلو ہوگئی۔
مارکیٹ ذرائع کا کہنا تھا کہ مختلف برانڈز کا کوکنگ آئل فی کلو 590 روپے میں فروخت ہورہا ہے، مختلف برانڈز کا گھی 550 روپےفی کلو فروخت ہورہا ہے۔
مارکیٹ ذرائع کا مزید بتانا ہے کہ چکن فی کلو 420 روپے میں فروخت ہورہی ہے، آلو فی کلو 100 روپے، پیاز 80 روپے، ٹماٹر 130 روپے کلو فروخت ہورہے ہیں۔