کراچی: پولیس نے کراچی کے علاقے اورنگی ٹاؤن سیکٹر سے زمین میں دفن اسلحہ برآمد کرلیا ، برآمد ہونیوالا اسلحہ پرانا اور ناقابل استعمال ہے۔
تفصیلات کے مطابق کراچی کے علاقے اورنگی ٹاؤن سیکٹر سی 14میں پولیس نے کارروائی کرتے ہوئے زیر زمین دفن کیےگئےاسلحہ کی کھیپ برآمد کرلی۔
اسلحے کی کھیپ میں 4 رائفل،1 پستول، 50 عدد ایمونیشن ایس ایم جی ، 25 عدد ایمونیشن جی تھری شامل ہیں۔
پولیس کا کہنا ہے کہ برآمد ہونیوالا اسلحہ پرانا اورناقابل استعمال ہے تاہم اسلحے کو فارنزک کے لیے بھیجا جارہا ہے۔
اسلحہ ممکنہ طورپر کراچی آپریشن کےدوران دہشت گردوں نے چھپایا تھا، ملنے والے اسلحے کی کھیپ کے حوالے سے مزید تحقیقات جاری ہے۔
گذشتہ ماہ کراچی میں کے ڈی اے لینڈ سے بھاری اسلحہ برآمد ہوا ہے، اسلحہ بوریوں میں بھر کے زمین میں دفن کیا گیا تھا۔
