اسرائیل میں مذہبی تقریب کے دوران بھگدڑ مچنے سے 44 ہلاک، دل دہلا دینے والی ویڈیو

تل ابیب: اسرائیل میں مذہبی تہوار کے دوران بھگدڑ سے 44 افراد ہلاک اور سو سےزائد زخمی ہوگئے ہیں۔

خبر رساں ایجنسی کے مطابق بھگدڑ مچنے کا واقعہ شمالی اسرائیل میں یہودیوں کے ایک مذہبی مقام ماؤنٹ میرون پر تقریب کے دوران پیش آیا جہاں ایک لاکھ سے زائد لوگ جمع تھے۔

رپورٹس کے مطابق تقریب میں بم کی موجودگی کی اطلاع عام ہوتے ہی بھگدڑ مچ گئی جس کے نیتجے میں 44 افراد ہلاک جبکہ سو سے زائد زخمی ہوئے،بھگڈر کے باعث زخمی ہونے والے بیشتر افراد کی حالت تشویش ناک ہے۔

اسرائیلی پولیس کا کہنا ہے واقعے کی تحقیقات کر رہے ہیں، اب تک کی اطلاعات کے مطابق بم کی موجودگی کی اطلاع جھوٹی تھی۔

Comments