ڈی آئی خان میں فورسز کے آپریشن میں ایک دہشتگرد ہلاک ہو گیا۔
آئی ایس پی آر کے مطابق سیکیورٹی فورسز نے ڈیرہ اسماعیل خان میں انٹیلی جنس بیسڈ آپریشن کیا جس کے دوران فائرنگ کے تبادلے میں ایک دہشت گرد محمدسہیل مارا گیا۔
دہشت گرد قانون نافذ کرنے والے اداروں پر حملوں اور شہریوں کے قتل میں ملوث تھا۔
آئی ایس پی آر کا کہنا ہے کہ دہشت گردوں کی مبینہ موجودگی پر علاقے میں کلیئرنس آپریشن بھی کیا گیا۔ مقامی آبادی کی طرف سےدہشت گردوں کےخلاف کارروائی کا خیرمقدم کیا گیا اور فورسز کو دہشت گردی کی لعنت کیخلاف مکمل تعاون کی یقین دہانی بھی کروائی گئی۔
لئیق الرحمن دفاعی اور عسکری امور سے متعلق خبروں کے لئے اے آروائی نیوز کے نمائندہ خصوصی ہیں