شارجہ: متحدہ عرب امارات میں انوکھے انداز میں قیمتی ہیرے اسمگل کرنے کی کوشش ناکام ہوگئی۔
تفصیلات کے مطابق اماراتی شہر شارجہ میں کسٹم انتظامیہ نے ایک ایسے افریقی باشندے کو گرفتار کیا جو آنتوں میں چھپا کر ہیرے اسمگل کررہا تھا۔ متحرک انتظامیہ نے فوری طور پر کارروائی کرتے ہوئے شہری کو گرفتار کرلیا۔
#جمارك_الإمارات#UAE_CUSTOMS
تبلغ قيمته 90 ألف دولار
"الجمارك" تضبط إفريقياً يخفي 297 جرام ألماس في أحشائهعلي سعيد النيادي:
** ارتفاع مستوى التنسيق في مجال مكافحة التهريب يدعم منظومة الاستقرار والأمن في الدولةhttps://t.co/XrFCdYaXeA pic.twitter.com/ne8QBZWNPf— FCAUAE (@CUSTOMSUAE) January 9, 2020
غیرملکی خبررساں ادارے کے مطابق رَف ہیرے(بغیرپالش ہوئے) کی قیمت تقریباً 90 ہزار ڈالر ہے۔ جس کا وزن 297 گرام ہے۔ کسٹم حکام کہنا ہے کہ گرفتار افریقی باشندہ کئی بار متحدہ عرب امارات کا دورہ کرچکا ہے۔
انتظامیہ کا کہنا تھا کہ گرفتار شخص پر شک کی بنیاد پر پہلے ہی کارروائی شروع کردی تھی۔ جیسے ہی شہری افریقہ سے شارجہ ایئرپورٹ پہنچا امیگریشن حکام نے پاسپورٹ ضبط کرکے کسٹم حکام کو اطلاع دی۔
بعد ازاں تفتیش کے دوران جسم کا اسکین اور ایکس رے لیا گیا جس سے پتہ چلا مسروقہ ہیرے شہری کے آنتوں میں موجود ہیں۔ ملزم کا تعلق کسی گروہ سے بھی ہوسکتا ہے۔ البتہ ابتدائی تحقیقات سے پتہ چلا ہے وہ بلیک میں ہیرے خریدتا اور آگے اسمگل کرتا ہے۔
غیرملکی میڈیا کا کہنا ہے کہ مزید حقائق تحقیقات کے بعد سامنے آئیں گے۔