The news is by your side.

Advertisement

مصر کے بادشاہ کی قیمتی گھڑی دبئی میں فروخت

دبئی: مصر کے معروف بادشاہ فاروق کی قیمتی گھڑی دبئی میں ہونے والی نیلامی میں فروخت ہوکر مشرقی وسطیٰ کی سب سے مہنگی ترین گھڑی بن گئی۔

تفصیلات کے مطابق دبئی میں وال کلاک اور کلائی پر باندھنے والی تاریخی اور نادر گھڑیوں کی نیلامی ہوئی جہاں دنیا بھر کی نادر و نایاب اور قدیم گھڑیوں کو نیلامی کے لیے پیش کیا گیا جس میں مصر کے بادشاہ کی گھڑی 3۔3 ملین درہم میں فروخت ہوئی۔

دبئی میں ہونے والی نیلامی میں گھڑیوں کے دلدادہ افراد کی بڑی تعداد نے شرکت کی، جس میں بادشاہ فاروق کی گھڑی 3۔3 ملین درہم میں فروخت ہونے کے بعد مشرقی وسطیٰ کی تاریخ میں نیلام ہونے والی مہنگی ترین گھڑی بن گئی ہے۔

ڈیفینس، نوجوان لڑکی قیمتی گھڑی چرا کر فرار

خیال رہے کہ مصری شاہی خاندان کے دسویں بادشاہ فاروق گھڑیوں کے انتخاب میں اور اُ ن کے کلیکشن کے لیے کافی شہرت رکھتے ہیں، وہ 1965 میں اس دار فانی سے کوچ کر گئے تھے لیکن اب بھی ان سے جڑی اشیاء دنیا بھر میں خصوصی اہمیت رکھتی ہیں یہی وجہ ہے کہ اُن کے زیر استعمال دستی گھڑی کی نیلامی کا سُن کر کئی نامور شخصیات نے اسے خریدنے دبئی پہنچے۔

مصرکے بادشاہ کی قیمتی گھڑی کی نیلامی دبئی میں ہوگی

یاد رہے اس سے قبل بھی مصر کے سابق بادشاہ کے زیر استعمال اشیاء کی نیلامی کی جا چکی ہے جسے تاریخ، تہذیب اور ورثے میں دلچسپی رکھنے والوں نے تنقید کا نشانہ بناتے ہوئے کہا تھا کہ نئی آنے والی نسل کو تاریخ سے وابستہ رکھنے کے لیے اس قسم کی اشیاء کو نیلام کرنے کے بجائے قومی ورثہ قرار دے کر میوزیم میں رکھا جائے۔


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں.

Comments

comments

یہ بھی پڑھیں