قومی ٹیم کے آل راؤنڈر عامر جمال کا کہنا ہے کہ 150 سے 170 رنز کی برتری حاصل کرلی تو میچ میں واپسی کرسکتے ہیں۔
سڈنی ٹیسٹ کے تیسرے روز آسٹریلوی ٹیم اپنی پہلی اننگز میں 299 رنز بنا کر آؤٹ ہوئی، دوسری اننگز میں پاکستانی بیٹنگ لائن لڑکھڑا گئی اور کھیل کے اختتام پر 68 رنز پر 7 وکٹیں گر چکی ہیں، پاکستان کو 82 رنز کی برتری حاصل ہے۔
محمد رضوان 6 اور عامر جمال بغیر کوئی رن بنائے کریز پر موجود ہیں۔
آسٹریلیا کی جانب سے جوش ہیزل ووڈ نے چار کھلاڑیوں کو پویلین کی راہ دکھائی، مچل اسٹارک، نیتھن لائن اور ٹریوس ہیڈ نے ایک، ایک وکٹ حاصل کی۔
Pakistan lose seven late in the day after Aamir Jamal's 6️⃣-fer helped them gain a 14-run lead #AUSvPAK pic.twitter.com/3cJ3tELIRw
— Pakistan Cricket (@TheRealPCB) January 5, 2024
تاہم میڈیا سے گفتگو کرتے ہوئے آل راؤنڈر عامر جمال نے کہا کہ دوسری اننگز میں پچ بیٹنگ کے لیے آسان نہیں تھی، اگر 150 سے 170 کی برتری حاصل کرلی تو میچ میں واپس آسکتے ہیں۔
عامر جمال نے کہا کہ میرا ہدف ہے سیریز میں سب سے زیادہ وکٹیں لینے والا بولر بنوں، کوشش ہے آسٹریلیا کے خلاف تگڑی بولنگ کریں۔
Aamir Jamal's press conference after the third day's play at SCG.
Full video ➡️ https://t.co/UfFLdTRGdJ#AUSvPAK pic.twitter.com/yIKoa6vzDE
— Pakistan Cricket (@TheRealPCB) January 5, 2024
واضح رہے کہ قومی ٹیم پہلی اننگز میں 313 رنز بنا کر آؤٹ ہوئی تھی، محمد رضوان نے 88 اور عامر جمال نے 82 رنز کی شاندار اننگز کھیلی تھی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں