The news is by your side.

عامر خان نے امیشا پٹیل کو فلم کیوں دلوائی؟

بالی ووڈ کی خوب صورت اداکارہ امیشا پٹیل کے پرستار یہ جان کر حیران رہ جائیں گے کہ ایک بار انھوں نے مسٹر پرفیکشنسٹ عامر خان کو اپنے آئی کیو لیول یعنی ذہانت سے بے حد متاثر کر دیا تھا۔

ریتھک روشن کے ساتھ فلم ’کہو نا پیار ہے‘ میں اپنے فلمی کیریئر کا آغاز کرنے والی اداکارہ امیشا پٹیل کو ایک بار عامر خان نے ان کے IQ لیول سے متاثر ہو کر فلم میں انٹری دلائی تھی۔

امیشا پٹیل بالی ووڈ کی ان اداکاراؤں میں سے ایک ہیں جنھوں نے بے حد کم وقت میں مقبولیت حاصل کی، پرستار امیشا پٹیل کی خوب صورتی اور اداکاری کی صلاحیت کے دیوانے ہیں۔

پرستاروں کے ساتھ ساتھ ایک بار انھوں نے عامر خان تک کو متاثر کیا، جس پر عامر نے ایک فلم میں ایشوریہ رائے کی جگہ امیشا پٹیل کو کاسٹ کروا دیا۔

دراصل عامر خان نے امیشا پٹیل کو 2003 میں برطانوی ٹی وی کے ایک پروگرام میں دیکھا، اس پروگرام میں عامر امیشا کے آئی کیو سے بہت متاثر ہوئے تھے۔

ہدایت کار کیتن مہتا کی فلم منگل پانڈے میں بنگالی بیوہ کے کردار کے لیے ایشوریہ رائے کے ساتھ جب بات نہیں بن پائی تو عامر خان کو امیشا پٹیل یاد آ گئیں، اور عامر خان نے اس کردار کے لیے ڈائریکٹر کو امیشا پٹیل کا نام تجویز کر دیا۔

یاد رہے کہ منگل پانڈے میں امیشا پٹیل کے کام کو بہت سراہا گیا تھا۔ ان دنوں امیشا پٹیل اپنی سپر ہٹ فلم غدر کے دوسرے پارٹ کی شوٹنگ میں مصروف ہیں۔

Comments

یہ بھی پڑھیں