site
stats
انٹرٹینمںٹ

عامر خان اپنی نئی فلم”دنگل“ کی شوٹنگ کے دوران زخمی

ممبئی: بالی ووڈ اسٹار عامر خان لدھیانہ میں نئی فلم”دنگل“ کی شوٹنگ کے دوران زخمی ہو گئے.

عامر خان آجکل اپنی نئی آنے والی فلم ”دنگل “ کی شوٹنگ میں مصروف ہیں، رپورٹ کے مطابق عامر خان لدھیانہ میں فلم ”دنگل“ کی شوٹنگ کے سلسلے میں گرونانک اسٹیڈیم میں مناظر کی عکس بندی کے دوران اچانک سیٹ پر گرنے سے شدید زخمی ہو گئے۔

عامر خان فلم دنگل میں بھارتی پہلوان ’’مہاویر سنگھ‘‘ کا حقیقی کردار ادا کر رہے ہیں ،اس فلم کے لئے انہوں نے اپنا وزن نوے کلو تک بڑھایا ہے۔

زرائع کے مطابق عامر خان چوٹ آنے کے آدھے گھنٹے بعد بھی شدید درد کا شکار تھے، پہلے عامر خان نے ڈاکٹر کے پاس جانے سے انکار کیا تاہم جب تکلیف نے شدت اختیار کرلی تو انھیں قریبی ہسپتال منتقل کیا گیا۔

ڈاکٹروں کا کہنا تھا کہ انھیں کندھے میں شدید چوٹ آئی ہے اور ٹھیک ہونے کیلئے انھیں مکمل آرام کی ضرورت ہے۔

نتیش ٹیواری کی ”دنگل“ میں عامر خان کے ساتھ ساکشی تنور اور راجکمار یادو و بھی نمایاں کردارادا کر رہے ہیں، عامر خا ن کی ”دنگل“ آئندہ سال نمائش کیلئے پیش کی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top