تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

عامر خان اور کرن راؤ میں طلاق

نئی دہلی: بالی ووڈ کے سپر اسٹار عامر خان اور ان کی اہلیہ کرن راؤ نے شادی کے 15 سال بعد علیحدگی کا اعلان کر دیا ہے۔

تفصیلات کے مطابق بھارتی فلمی صنعت کے مسٹر پرفیکشنسٹ نے ایک بار پھر شادی کے بندھن سے علیحدگی کا اعلان کر دیا ہے، انھوں نے 2005 میں فلم ساز کرن راؤ سے دوسری شادی کی تھی، اور اب دونوں باقاعدہ منصوبے کے مطابق اپنی زندگی کا ’نیا باب‘ شروع کرنے جا رہے ہیں۔

عامر اور راؤ کا ایک بیٹا آزاد بھی ہے، عامر خان کی اپنی سابقہ بیوی ریما دتہ سے بھی 15 سال بعد علیحدگی ہوئی تھی، اور اس شادی سے ان کی ایک بیٹا اور ایک بیٹی ہے۔

دونوں نے اپنے مشترکہ بیان اپنی طلاق کے بارے میں انکشاف کیا ہے کہ وہ کچھ عرصہ قبل ہی علیحدگی کی منصوبہ بندی کر رہے تھے، اب باضابطہ طور پر اعلان کر رہے ہیں، کیوں کہ اب ہم اپنی زندگی میں ایک نیا باب شروع کرنا چاہتے ہیں، اور اب ہم شوہر اور بیوی کی حیثیت سے نہیں بلکہ شریک والدین اور کنبے کے طور ایک دوسرے کے ساتھ پر ہوں گے۔

انھوں نے وضاحت کی کہ یہ طلاق کوئی خاتمہ نہیں، بلکہ ایک نئے سفر کا آغاز ہے، پندرہ خوب صورت برسوں میں ہم نے ایک ساتھ زندگی بھر کے تجربات، مسرت اور ہنسی کا اشتراک کیا، اور ہمارا رشتہ صرف اعتماد، احترام اور محبت میں پروان چڑھا ہے۔

انھوں نے کہا کہ وہ کچھ عرصے سے الگ الگ رہنے کے باوجود ایک زندہ خاندان کی طرح اپنی زندگیاں گزار رہے ہیں، اور بیٹے آزاد کے والدین ہونے کے ناطے الگ رہتے ہوئے بھی پرورش کریں گے، فلموں اور پانی فاؤنڈیشن اور دیگر منصوبوں میں بھی تعاون جاری رکھیں گے۔

عامر اور کرن راؤ نے بیان میں کہا کہ وہ خیر خواہوں کی طرف سے نیک خواہشات اور دعاؤں کے منتظر ہیں۔

یاد رہے کہ عامر خان اور کرن راؤ کی ملاقات آشوتوش گواریکر کی فلم کی شوٹنگ کے دوران ہوئی تھی، کرن راؤ سپر ہٹ فلم لگان میں اسسٹنٹ ہدایت کار بھی تھیں۔

Comments

- Advertisement -