The news is by your side.

Advertisement

عامرلیاقت حسین ٹکٹ نہ ملنے پرپی ٹی آئی سے ناراض، کل اہم فیصلہ کریں گے

کراچی : ڈاکٹر عامر لیاقت حسین پی ٹی آئی سے ٹکٹ نہ ملنے پر ناراض ہوگئے، ان کا کہنا ہے کہ کل تک اپنا سیاسی لائحہ عمل قوم کے سامنے رکھ دوں گا،  یہ بات انہوں نے سماجی رابطے کی ویب سائٹ ٹوئیٹر پر اپنے تازہ پیغام میں کہی۔

معروف ٹی وی اینکر اور ایم کیو ایم پاکستان سے منحرف ہوکر پی ٹی آئی میں شمولیت اختیار کرنے والے ڈاکٹر عامر لیاقت حسین نے کہا کہ میں پی ٹی آئی کو اپنا گھر سمجھ کر آیا تھا لیکن فردوس شمیم نے مجھے ٹکٹ دینے سے انکار کردیا۔

عامر لیاقت نے کہا کہ فردوس شمیم نے مجھ سے کچھ ایسی باتیں کہیں جو چیئرمین عمران خان کی عزت کو سامنے رکھتے ہوئے یہاں بتانا مناسب نہیں ہیں، میں کل تک اپنا سیاسی لائحہ عمل قوم کے سامنے رکھ دوں گا۔

ان کا مزید کہنا تھا کہ فردوس شمیم نقوی صاحب نے وہ بات کی جو سن کر علمائے کرام تک ہنس پڑے بلکہ علامہ شبیر حسن میثمی جو کہ ایم ایم اے کے مرکزی رہنما بھی ہیں انگشت بدنداں رہ گئے۔

عامر لیاقت نے کہا کہ گالیاں دینے والے انصافینز کو بتانا چاہتا ہوں کہ اپنی حدود میں رہیں ، معاملہ صرف ٹکٹ کا نہیں میرے شہر کراچی کی سیاسی سوجھ بوجھ کا ہے، مجھے ٹکٹ کی کوئی خواہش نہیں، چیئرمین کا استدلال تھا کہ میں انتخاب لڑوں اسی لیے میں نے حوالہ دیا لیکن فردوس نقوی نے جو کچھ کہا مجھے اس سے اختلاف ہے۔

میں شرافت کا مظاہرہ کرتے ہوئے کسی پر کوئی الزام یا بے ہودہ گوئی نہیں کررہا لیکن میری شریف النفسی کو کمزوری نہ سمجھا جائے، نوٹس لیں ورنہ پنڈورا باکس کھل جائے گا ہروقت گالیاں ناقابل برداشت ہیں۔


خبر کے بارے میں اپنی رائے کا اظہار کمنٹس میں کریں‘مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔ 

Comments

comments

یہ بھی پڑھیں