کراچی: مرحوم ڈاکٹر عامر لیاقت کی ذاتی ویڈیوز لیک کرنے کے کیس میں عدالت نے ان کی تیسری بیوی دانیہ شاہ کو عدالتی ریمانڈ پر جیل بھیجنے کا حکم دے دیا۔
تفصیلات کے مطابق عدالت نے دانیہ شاہ کو عامر لیاقت کی نجی ویڈیوز لیک کرنے کے کیس میں جوڈیشیل ریمانڈ پر جیل بھیج دیا، اور کہا کہ ایف آئی اے اگر چاہے تو جیل میں جا کر ان سے تفتیش کر سکتی ہے۔
عدالت نے آئندہ سماعت پر تفتیشی افسر کو چالان پیش کرنے کا حکم بھی دے دیا۔
دانیہ شاہ نے عدالت میں بیان دیا کہ انھوں نے عامر لیاقت کی ویڈیوز وائرل نہیں کیں، یہ سب جائیداد کی وجہ سے میرے ساتھ کیا جا رہا ہے۔
واضح رہے کہ مرحوم عامر لیاقت کی بیٹی نے دانیہ شاہ کے خلاف ایف آئی اے کو ویڈیوز وائرل کرنے کے سلسلے میں درخواست دی تھی۔
Comments
- Advertisement -
