site
stats
پاکستان

عامر لیاقت حسین کا تحریک انصاف میں شامل ہونے کا فیصلہ

کراچی: معروف مذہبی اسکالر عامر لیاقت حسین نے تحریک انصاف میں شمولیت کا فیصلہ کرلیا تاہم اس کا باضابطہ اعلان وہ کل پریس کانفرنس کے ذریعے کریں گے۔

ذرائع کے مطابق ڈاکٹر عامر لیاقت حسین کل عمران اسماعیل کی رہائش گاہ پر عمران خان سے ملاقات کے بعد پریس کانفرنس کے ذریعے تحریک انصاف میں شمولیت کا اعلان کریں گے۔

اے آر وائی کے نمائندے وسیم بادامی کے مطابق عامر لیاقت نے تحریک انصاف میں شمولیت کے حوالے سے موصول ہونے والی خبروں کی تصدیق کرتے ہوئے کل شمولیت کا عندیہ دیا ہے۔

پڑھیں: مجھے قتل کیا گیا تو ذمہ دار الطاف حسین ہوں گے،عامر لیاقت

واضح رہے کہ عامر لیاقت حسین گزشتہ کئی عرصے سے مختلف چینلز پر مذہبی پروگرام کرتے نظر آتے ہیں اور وہ آج کل ایک نجی ٹیلی ویژن پر ٹاک شو بھی کررہے ہیں۔

یاد رہے کہ عامر لیاقت حسین نے اپنا سیاسی کیریئر متحدہ کے پلیٹ فارم سے شروع کیا اور وہ مشرف دورِ حکومت میں وفاقی وزیر برائے مذہبی امورکے امور سرانجام دے چکے ہیں، گزشتہ برس 22 اگست سے قبل عامر لیاقت نے متحدہ میں دوبارہ شمولیت کا اعلان کیا تھا تاہم ملک مخالف نعروں کے اگلے روز ہونے والی پریس کانفرنس میں انہوں نے فاروق ستار کا ساتھ دینے کا اعلان کیا۔

مزید پڑھیں: متحدہ جوائن نہیں کروں گا، عامر لیاقت کا فاروق ستار کو دو ٹوک جواب

ڈاکٹر عامر لیاقت نے دو روز بعد اے آر وائی نیوز کے پروگرام الیونتھ آور میں سیاست چھوڑنے کا بھی اعلان کیا تھا تاہم اب وہ ایک بار پھر سیاسی میدان میں اترنے کا اعلان کرچکے ہیں۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top