اسلام آباد: پاکستان تحریک انصاف کے رہنما عامر محمود کیانی کا کہنا ہے کہ چینی کمیونسٹ پارٹی جدید جمہوری جماعت کی عمدہ مثال ہے۔
تفصیلات کے مطابق پاکستان تحریک انصاف کے رہنما عامر محمود کیانی نے کہا کہ چین پاکستان کا دیرینہ اور با اعتماد دوست ہے، چینی کمیونسٹ پارٹی اور پی ٹی آئی میں اشتراک عمل آگے بڑھ رہا ہے۔
عامر محمود کیانی نے کہا کہ چینی کمیونسٹ پارٹی جدید جمہوری جماعت کی عمدہ مثال ہے، پی ٹی آئی وفد چین کی کمیونسٹ پارٹی کے تجربات سے استفادہ کرے۔
انہوں نے کہا کہ پروگرام تشکیل دینے پر چینی کمیونسٹ پارٹی، چینی سفیرکے شکرگزارہیں، پولیٹیکل ڈیولپمنٹ کے چینی تجربات سے قابل عمل راستے دریافت کریں گے۔
پی ٹی آئی کا 24 رکنی وفد 15 روز تک چین میں قیام کرے گا، وفد کے شرکا کو سیاسی، انتظامی ، معاشی امور پرچینی تجربات سے آگاہ کیا جائے گا۔
پاکستان میں چین کے سفیر یاؤ جنگ نے پاکستان چائنہ انسٹیٹیوٹ کے زیر اہتمام ادارے کی دسویں اور عوامی جمہوریہ چین کی 70ویں سالگرہ کے حوالے سے منعقدہ تقریب سے خطاب کرتے ہوئے کہا کہ پاکستان بیجنگ کا بہترین اور پائیدار دوست ہے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں