قومی ٹیم کے سابق فاسٹ بولر عاقب جاوید نے متحدہ عرب امارات کرکٹ ٹیم کی کوچنگ سے استعفیٰ دے دیا۔ سابق پاکستانی فاسٹ بولر پی ایس ایل میں بطور ٹیم ڈائریکٹر ذمہ داریاں انجام دیں گے۔
پاکستان کرکٹ بورڈ سے تو معاملات طے نہ ہوسکے لیکن پاکستان کی کرکٹ میں کردار ضرور ادا کریں گے۔ پہلے انضمام الحق افغانستان کرکٹ ٹیم کی کوچنگ سے مستعفی ہوئے اور پاکستان کرکٹ ٹیم کے چیف سلیکٹر بن گئے۔
سابق فاسٹ بولر عاقب جاوید نے بھی متحدہ عرب امارات کی کوچنگ چھوڑی دی ہے اوراب وہ پاکستان سپر لیگ میں ایک ٹیم فرینچائز کے ڈائریکٹر کے طور پر کام کریں گے۔
ذرائع کے مطابق سابق پاکستانی فاسٹ بولر نے پاکستان کرکٹ ٹیم کی کوچنگ میں بھی دلچسپی کا اظہار کیا ہے۔ ہیڈ کوچ کیلئے درخواست دینے کی آخری تاریخ پچیس اپریل ہے۔
یاد رہے کہ عاقب جاوید ایک سو تریسٹھ ون ڈے اور بائیس ٹیسٹ میں پاکستان کی نمائندگی کرچکے ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں