The news is by your side.

Advertisement

"آئے ہو میری زندگی میں”، عمر رسیدہ شخص نے سب کے دل جیت لیے

پاکستانی عمر رسیدہ شخص نے سپر ہٹ فلم کے مشہور زمانہ گانے کی دھن بجا کر سوشل میڈیا پر سب کو اپنا گرویدہ بنا لیا ہے۔

جس طرح کچھ گانوں کے بول ہم کبھی نہیں بھول پاتے ٹھیک اسی طرح کچھ دھنیں بھی ہوتی ہیں جنہیں سن کر فوراً ہی ہمیں اس گانے کے بول یاد آ جاتے ہیں۔

معروف ویڈیو شیئرنگ ایپلی کیشن انسٹاگرام پر ایک ایسی ویڈیو وائرل ہو رہی ہے جسے ہر کوئی پسند کر رہا ہے۔

ویڈیو میں استاد نور بخش نامی بزرگ 1996 میں بننے والی سپرہٹ فلم "راجہ ہندوستانی” کے مشہور گانے ” آئے ہو میری زندگی میں تم بہار بن کے” کی دھن بجا رہے ہیں۔

انہوں نے دھن کے لیے بلوچ موسیقی آلے کا استعمال کیا ہے جسے بلوچستان میں "بلوج بینجو” کہا جاتا ہے۔ویڈیو پر صارفین کی جانب سے محبت بھرے ردِعمل کا اظہار کیا جا رہا ہے۔

جس جس نے بھی اس ویڈیو کو دیکھا وہ اپنا پسندیدہ نغمہ بینجو پر سن کر سحرزدہ رہ گیا اور فنکار کا انداز ان کے دلوں کو چھوگیا۔

واضح رہے کہ مذکورہ نغمہ 90 کی دہائی کا بالی ووڈ کا مقبول نغمہ تھا جو اس وقت کی کامیاب ترین فلم ’’راجا ہندوستانی‘‘ کے گلوکار ادت نارائن نے گایا تھا۔

ویڈیو دیکھنے والے بلوچ فنکار کی اس کاوش کو سراہتے ہوئے دلچسپ تبصرے کررہے ہیں۔

Comments

یہ بھی پڑھیں