جنوبی افریقہ کے سابق کپتان اے بی ڈی ویلیئرز پی ایس ایل 4 کا حصہ بن گئے AB de Villiers
The news is by your side.

Advertisement

جنوبی افریقہ کے سابق کپتان اے بی ڈی ویلیئرز پی ایس ایل 4 کا حصہ بن گئے

لاہور: جنوبی افریقہ کے مایہ ناز بلے باز اے بی ڈی ویلیئرز پاکستان سپر لیگ (پی ایس ایل) کے چوتھے سیزن میں ایکشن میں دکھائی دیں گے۔

تفصیلات کے مطابق جنوبی افریقہ کے اے بی ڈی ویلیئرز پی ایس ایل کا چوتھا ایڈیشن کھیلیں گے، پی ایس ایل کا چوتھا ایڈیشن آئندہ سال فروری میں یو اے ای اور پاکستان میں مشترکہ طور پر کھیلا جائے گا۔

جنوبی افریقی بلے باز اے بی ڈی ویلیئرز نے اپنے ویڈیو پیغام میں کہا کہ پی ایس ایل دنیا کی بہترین لیگ بن چکی ہے، پی ایس ایل کا حصہ بن کر خوشی محسوس کررہا ہوں، اس لیگ نے پاکستانی عوام کو لطف اندوز ہونے کے لیے بہت کچھ دیا۔

اے بی ڈی ویلیئرز کا کہنا تھا کہ پی ایس ایل کے گزشتہ ایڈیشنز کے میچز دیکھ کر لطف اُٹھایا تاہم اب پی ایس ایل 2019 اس سے مختلف ہوگا کیونکہ میں اس سیزن میں ایکشن میں دکھائی دوں گا۔

چیئرمین پی سی بی احسان مانی نے کہا کہ ڈی ویلیئرز کو خوش آمدید کہتے ہیں، جنوبی افریقہ کے بلے باز کے آنے سے لیگ کو چار چاند لگ جائیں گے۔

واضح رہے کہ اے بی ڈی ویلیئرز نے رواں سال انٹرنیشنل کرکٹ سے ریٹائرمنٹ کا اعلان کیا تھا، انہوں نے اپنے کرکٹ کے سفر کے دوران 114 ٹیسٹ، 228 ایک روزہ اور 78 ٹی ٹوئنٹی میچوں میں جنوبی افریقہ کی نمائندگی کی۔

خیال رہے کہ اے بی ڈی ولیئرز نے ایک روزہ کرکٹ میچ میں 31 گیندوں پر تیز ترین سینچری بناکر کیوی بلے باز اینڈریسن کا ریکارڈ توڑا تھا جنہوں نے 35 گیندوں پر سینچری مکمل کی تھی۔

Comments

comments

یہ بھی پڑھیں