The news is by your side.

Advertisement

کنٹو نمنٹ بورڈ ایریاز میں افغانیوں کی رہائش اور کاروبارپرپابندی عائد

ایبٹ آباد : سیکورٹی صورتحال کے پیش نظرایبٹ آباد میں کنٹو نمنٹ بورڈ کی حدود میں افغانیوں کی رہائش اختیار کرنے اور کاروبار کرنے پر پابندی عائدکر دی گئی ۔

تفصیلات کے مطابق ایبٹ آباد انتظامیہ نے رہائش پذیر تمام افغانیوں کو متنبہ کیا ہے کہ ایک ماہ کے اندر اندر تمام افغانی اپنا کاروبار اور زیر استعمال رہائش کینٹ بورڈ کی حدود سے منتقل کریں،بصورت دیگرآپریشن کے ذریعے انہیں نکالا جائے گا۔

وائس چئیر مین کنٹو نمنٹ بورڈ سردار ذوالفقار علی بھٹو کے دفتر سے جاری اعلامیہ کے مطابق ایبٹ آباد کینٹ بورڈ کی حدود میں افغانیوں کو رہائش رکھنے اور کاروبار کرنے پر مکمل پابندی عائد کر دی گئی ہے۔

اعلامیہ کے مطابق جو افغانی کاروبار جن میں زیر استعما ل مارکیٹیں، دوکانیں ، ریڑھی اور تھڑے ودیگر شامل ہیں انھیں ایک ماہ کے اندر کینٹ حدود سے منتقل کریں اور اس کے ساتھ اپنی زیر استعمال رہائش گاہوں کو بھی کینٹ کی حدودسے خالی کریں ۔

ایک ماہ بعد کینٹ بورڈ آپریشن کے ذریعے انہیں نکالے گا اور ان کے خلاف قانونی کارروائی بھی عمل میں لائی جائے گی۔

یہ پابندی حساس علاقہ میں سیکورٹی کی صورتحال کے پیش نظر لگائی گئی ہے، ایبٹ آباد کنٹو نمنٹ حدود میں بڑے پیمانے پر افغانیوں نے رہائش اور کاروباراختیار کررکھا ہے۔

Print Friendly, PDF & Email

Comments

comments

یہ بھی پڑھیں