The news is by your side.

Advertisement

ایبٹ آباد: کھائی میں کار گرنے کے باعث اسلام آباد سے تعلق رکھنے والی فیملی جاں بحق

ایبٹ آباد: بگنوتر کے قریب ایک کار کھائی میں جا گری، جس سے 3 افراد جاں بحق ہو گئے۔

تفصیلات کے مطابق ایبٹ آباد کے نواحی علاقہ بگنوتر کے قریب ایک گاڑی گہری کھائی میں جا گری، حادثے میں ایک بچی سمیت تین افراد جاں بحق جب کہ ایک خاتون زخمی ہو گئی۔

پولیس کے مطابق موٹر کار نتھیاگلی سے ایبٹ آباد آ رہی تھی کہ بریک فیل ہونے کے باعث بگنوتر کے قریب گہری کھائی میں جا گری، جس کے نتیجے میں میاں، بیوی اور ایک بچی موقع پر ہی دم توڑ گئے۔

حادثے میں زخمی ہونے والی خاتون کو تشویش ناک حالت میں ایوب میڈیکل کمپلکس منتقل کر دیا گیا، پولیس کا کہنا ہے کہ ٹریفک حادثے میں جاں بحق ہونے والے افراد کا تعلق اسلام آباد سے ہے۔

Comments

یہ بھی پڑھیں