لاہور: حکومت پنجاب کے خلاف احمد شاہ ابدالی کے پڑپوتے شاہ پور درانی کی جانب سے لاہور ہائیکورٹ میں درخواست دائر کی گئی ہے۔
تفصیلات کے مطابق پانی پت کی لڑائی کے ہیرو احمد شاہ ابدالی کے پڑپوتوں نے آئی ٹی یونیورسٹی کے حصول کے لئے حکومت پنجاب کی جانب سے زمین حاصل کرنے کا اقدام لاہور ہائیکورٹ میں چیلنج کر دیا۔
درخواست میں کہا گیا ہے کہ انہوں نے انگریز سرکار سے لاہور کے علاقہ برکی کے موضع کلاس ماری میں ایک سو بیاسی ایکٹر اراضی لیز پرحاصل کی اور قیام پاکستان کے بعد انہوں نے وفاقی حکومت سے درخواست کر کے لیز کو بحال رکھا مگر حکومت پنجاب آئی ٹی یونیورسٹی کے قیام کے نام پر کئی دہائیوں قبل حاصل کی جانے والی اراضی ہتھیانہ چاہتی ہے۔
درخواست میں استدعا کی گئی ہے کہ حکومت پنجاب کے اس اقدام کو کالعدم قرار دیتے ہوئے لیز پر حاصل کی جانے والی زمین کو بحال رکھا جائے۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں