شہبازتاثیر آپریشن میں بازیاب نہیں کرائےگئے، وزارت داخلہ -
The news is by your side.

Advertisement

شہبازتاثیر آپریشن میں بازیاب نہیں کرائےگئے، وزارت داخلہ

اسلام آباد: سابق گورنرپنجاب سلمان تاثیر کے بیٹے کو اغواکاروں نے خود چھوڑدیا تھا، سیکورٹی فورسز نے کسی کارروائی میں بازیاب نہیں کرایا، وزارت داخلہ کی رپورٹ میں کریڈٹ لینےوالوں کے خلاف کارروائی کی سفارش کردی گئی

کوئٹہ کے قریب کچلاک کاالسلیم ہوٹل جہاں سے شہبازتاثیر نے ساڑھے تین سو روپے کاکھانا کھایا اورگھرٹیلی فون کیا، وزارت داخلہ کی رپورٹ میں بھی یہی انکشاف کیا گیا کہ شہبازتاثیرکوکسی سیکورٹی آپریشن میں بازیاب نہیں کرایا گیا، انہیں اغوا کاروں نے خود چھوڑا سیکورٹی اداروں نےصرف السلیم ہوٹل پرانہیں ریسیو کیا۔

زرائع نے انکشاف کیا ہے کہ شہبازتاثیرافغانستان میں ازبک جنگجوؤں کے پاس تھے، طالبان کی ازبک جنگجوؤں سے جھڑپ ہوئی تو وہ ان کے ہاتھ لگ گئے، مبینہ طورپرحقانی نیٹورک کے کمانڈر نے موٹر سائیکل پر بٹھا کر کوئٹہ کے نواحی علاقے میں پندرہ ہزار روپے دے کر چھوڑ دیا۔

صوبائی حکومت اورآئی جی بلوچستان بازیابی کاکریڈٹ لیتے ہوئے اسے آپریشن کا نتیجہ قراردیا تھا،وزارت داخلہ کی رپورٹ میں کریڈٹ لینےکی کوشش کرنےوالوں کےخلاف کارروائی کی سفارش کی گئی ہے۔

Comments

comments

یہ بھی پڑھیں