سردارعثمان بزدار کا فیصلہ عمران خان کا ہے، پارٹی میں کوئی اختلاف نہیں، عبد العلیم خان -
The news is by your side.

Advertisement

سردارعثمان بزدار کا فیصلہ عمران خان کا ہے، پارٹی میں کوئی اختلاف نہیں، عبد العلیم خان

لاہور : پاکستان تحریک انصاف کے رہنما عبد العلیم خان نے کہا ہے کہ سردارعثمان بزدار کو وزارت اعلیٰ دینے کا فیصلہ عمران خان نے کیا ہے، اس حوالے سے پارٹی میں کوئی اختلاف نہیں۔

یہ بات انہوں نے لاہور میں میڈیا سے گفتگو کرتے ہوئے کہی۔ انہوں نے کہا کہ نامزد وزیر اعلیٰ پنجاب سردارعثمان بزدار کو پوری پارٹی کا اعتماد حاصل ہے، یہ فیصلہ عمران خان نے کیا ہے اس پر پارٹی میں کوئی اختلاف نہیں۔

ان کا کہنا تھا کہ عثمان بزدار کیخلاف الزامات کا حقیقت سے کوئی تعلق نہیں، ہمیں ووٹ عمران خان کے نظریے کی وجہ سے ملا ہے، پاکستان کے عوام نے عمران خان کی وجہ سے ہی ہم پر اعتماد کیا ہے۔

عمران خان نے جس شخص کا انتخاب کیا پارٹی اس کے پیچھے ہے، قائد کےحکم کے مطابق عثمان بزدار کو کامیاب کرائیں گے۔ عثمان بزدار ہی وزیراعلیٰ پنجاب منتخب ہونگے۔

مزید پڑھیں: پی ٹی آئی کے نامزد وزیراعلیٰ پنجاب عثمان بزدار پر قتل کا مقدمہ سامنے آگیا

انہوں نے مزید کہا کہ22سال کی جدوجہد کے بعد آج نئے پاکستان کی بنیاد رکھی گئی ہے، عمران خان نے قوم سے تبدیلی کا جو وعدہ کیا ہے اسے پورا بھی کریں گے۔

Comments

comments

یہ بھی پڑھیں