site
stats
پاکستان

سابق ہائی کمشنر عبد الباسط کا اعزاز چوہدری کو لکھا گیا خط منظر عام پر

اسلام آباد: بھارت میں پاکستان کے سابق ہائی کمشنر عبد الباسط کا امریکا میں پاکستان کے سفیر اعزاز چوہدری کو ایک ماہ قبل لکھا گیا خط منظر عام پر آ گیا جس میں عبد الباسط نے اعزاز چوہدری کو بدترین سیکریٹری خارجہ قرار دیتے ہوئے خدشہ ظاہر کیا ہے کہ اب وہ بدترین سفیر کہلائیں گے۔

تفصیلات کے مطابق بھارت میں پاکستان کے سابق ہائی کمشنر عبد الباسط کا اعزاز چوہدری کو 5 جولائی 2017 کو لکھا گیا تنقید بھرا خط منظر عام پر آگیا۔

خط میں عبد الباسط نے اعزاز چوہدری کو لکھا کہ آپ بدترین سیکریٹری خارجہ رہے اور امریکا میں تعیناتی کے بعد خدشہ ہے کہ واشنگٹن میں بدترین سفیر بھی کہلائیں گے۔

عبد الباسط نے اعزاز چوہدری کو لکھا کہ آپ نازک سفارتی شعبے کے لیے موزوں نہیں جس کی بڑی مثالیں اوفا پر نامناسب بیان اور اقوام متحدہ کے انسانی حقوق کمیشن میں شکست ہے۔

مزید پڑھیں: اعزاز چوہدری امریکا میں پاکستانی سفیر متعین

انہوں نے مزید کہا کہ آپ صحیح سمت میں نہیں، جتنا کم بولیں اتنا بہتر ہے۔ آپ کو سفیر کے عہدے سے فوری طور پر ہٹانا پاکستان کے مفاد میں ہوگا۔

عبد الباسط کا کہنا تھا کہ اعزاز چوہدری کمزور اور متنازعہ شخصیت ہیں اور 2018 میں ان کی ملازمت میں توسیع نہیں دی جانی چاہیئے۔

خیال رہے کہ سابق سیکریٹری خارجہ اعزاز چوہدری کو فروری میں امریکا میں پاکستانی سفیر تعینات کیا گیا تھا۔ انہوں نے جلیل عباس جیلانی کی جگہ سنبھالی جبکہ اعزاز احمد چوہدری کی جگہ تہمینہ جنجوعہ کو تعینات کیا گیا ہے۔


Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top