The news is by your side.

Advertisement

اقتصادی رابطہ کمیٹی کا اجلاس، مختلف محکموں کی ضمنی گرانٹس کی منظوری

اسلام آباد : مشیرخزانہ عبدالحفیظ شیخ کی زیر صدارت اقتصادی رابطہ کمیٹی کے اجلاس میں مختلف محکموں کی ضمنی گرانٹس کی منظوری دے دی گئی۔

تفصیلات کے مطابق مشیرخزانہ عبدالحفیظ شیخ  کی زیرصدارت اقتصادی رابطہ کمیٹی کا اجلاس ہوا، جس میں 11 نکاتی ایجنڈے پر غور کیا گیا۔

اقتصادی رابطہ کمیٹی نے مختلف محکموں کی ضمنی گرانٹس کی منظوری دے دی، اجلاس میں ویسٹرن بارڈرمینجمنٹ کیلئے8 ارب 84 کروڑ کی تکنیکی گرانٹ منظور کرلی گئی، رقم سول آرمڈ فورسزکی استعداد کاربہتر بنانے پرخرچ کی جائےگی۔

ذرائع کا کہنا ہے کہ ایف بی آر کےلیے20 کروڑ کی تکنیکی گرانٹ کی بھی منظوری دی۔

رواں مالی سال آئی بی کیلئےبجٹ شارٹ فال پوراکرنےکی سمری اور پیٹرولیم مصنوعات کی قیمتوں کی پیشگی خریداری کی سمری پربھی غور  کیا گیا جبکہ آئی پی پیز کےساتھ مذاکرات کیلئے ٹی اوآرز کا معاملہ بھی زیر غور آیا۔

مزید پڑھیں : حالات کو سامنے رکھ کر بجٹ کی تیاری کر رہے ہیں،مشیر خزانہ

ذرائع کا کہنا ہے کہ سیلز ٹیکس ، کسٹمز ڈیوٹیز اور سرچارجز میں چھوٹ کی سمری اور گیس فیلڈز کے علاقوں میں گیس کی فراہمی کی سمری پر بھی غور ہوا۔

یاد رہے مشیر خزانہ نے اجلاس کے دوران کہا تھا کہ ٹیکس وصولیوں کے نظام میں موجود خامیوں کا خاتمہ چاہتے ہیں،معیشت کو درپیش مشکلات ختم کرنے کے لیے ٹھوس اقدامات کیے ہیں۔

ڈاکٹر عبدالحفیظ شیخ کا مزید کہنا تھا کہ موجودہ حالات کو سامنے رکھ کر نئے بجٹ کی تیاری کر رہے ہیں،حکومت فریقین سے بات چیت کر کے ان کی تجاویز پر غور کرےگی۔

fb-share-icon0
Tweet 20

Comments

comments

یہ بھی پڑھیں