The news is by your side.

Advertisement

مشیر خزانہ عبدالحفیظ شیخ امریکا روانہ

اسلام آباد: مشیر خزانہ ڈاکٹر عبدالحفیظ شیخ امریکا روانہ ہوگئے۔

تفصیلات کے مطابق مشیر خزانہ عبدالحفیظ شیخ امریکا روانہ ہوگئے، ذرائع کا کہنا ہے کہ حفیظ شیخ عالمی بینک، آئی ایم ایف کے سالانہ اجلاس میں شرکت کریں گے۔

مشیر خزانہ آئی ایم ایف اورعالمی بینک کے حکام سے ملاقاتیں کریں گے، ان کی واپسی اتوار تک متوقع ہے۔

واضح رہے کہ عالمی بینک کا اپنی رپورٹ میں کہنا تھا کہ سال 2019 میں پاکستانی کی ترقی کی شرح 3.3 فیصد اور 2020 میں 2.4 فیصد رہے گی جبکہ 2021 میں ترقی کی شرح 3 فیصد رہنے کی توقع ہے۔

مزید پڑھیں: گزشتہ 3 ماہ میں اسٹیٹ بینک سے کوئی قرضہ نہیں لیا: مشیر خزانہ

رپورٹ میں کہا گیا ہے کہ پاکستان میں ترقی کی شرح میں بہتری پیٹرولیم مصنوعات کی قیمتوں میں کمی اور بین الاقوامی مارکیٹوں میں استحکام سے بھی مشروط ہے۔

اس کے علاوہ پاکستان میں ترقی کی شرح میں بہتری سیاسی اور سیکیورٹی خطرات میں کمی سے منسلک ہے جبکہ ادارہ جاتی اصلاحات سے معیشت کی صورت حال میں بہتری کی امید ہے۔

رپورٹ کے مطابق پیٹرولیم مصنوعات مہنگی ہونے سے پاکستان میں کرنسی کی شرح تبادلہ بھی بدلنے کا امکان ہے۔

Comments

comments

یہ بھی پڑھیں