لاہور: پاکستان تحریک انصاف نے ڈاکٹر عبدالقدیر خان کے کارنامے نصاب میں شامل کرنے کا مطالبہ کردیا۔
اے آر وائی نیوز کے مطابق تحریک انصاف سینٹرل پنجاب کے زیراہتمام صوبائی دفتر میں مایہ ناز ایٹمی سائنس دان اور محسن پاکستان ڈاکٹرعبدالقدیر خان کی غائبانہ نماز جنازہ سینیٹر اعجاز چوہدری کی امامت میں ادا کی گئی۔
تعزیتی ریفرنس سے خطاب کرتے ہوئے سینیٹر اعجاز چوہدری نے ڈاکٹر عبدالقدیر خان کے کارناموں کو نصاب میں شامل کرنے کا مطالبہ کردیا۔
سینیٹر اعجاز چوہدری نے ڈاکٹر عبدالقدیر خان مرحوم کی قومی خدمات کو خراج عقیدت پیش کرتے ہوئے کہا کہ محسن پاکستان جیسے مخلص اور مجاہد صدیوں میں پیدا ہوتے ہیں۔
مزید پڑھیں: ایم کیو ایم کا عبد القدیر خان کے نام پر کوئی شہر، ایئرپورٹ یا تاریخی عمارت منسوب کرنے کا مطالبہ
انہوں نے کہا کہ ایسے بھی حکمران رہے جو امریکہ کو کہتے تھے آپ ڈرون حملے کرتے رہیں مگر عمران خان نے اس کے خلاف آواز اٹھائی۔
لاہور ۔پاکستان تحریک انصاف سنٹرل پنجاب سیکرٹریٹ کینال ویو سوسائیٹی میں محسن پاکستان ڈاکٹر عبدالقدیر خان مرحوم کی غائبانہ نمازجنازہ ادا کی گئی
سینیٹر اعجاز احمد چوہدری نے غائبانہ نماز جنازہ پڑھائی ۔
علی امتیاز وڑائچ ۔شبیر سیال ۔ڈاکٹر طاہر علی جاوید ۔برگیڈر ر ممتاز کاہلوں ۔ pic.twitter.com/gRG6BFvQdv
— PTI Lahore (@PTIOfficialLHR) October 12, 2021
اعجاز چوہدری کا کہنا تھا کہ امریکا اور مغرب کو پاکستان کے ایٹمی پروگرام سے تکلیف ہے۔
انہوں نے مطالبہ کیا کہ پاکستان کے تعلیمی نصاب میں عبدالقدیر خان محسن پاکستان کا نام شامل کیا جائے۔ پی ٹی آئی کے سینیٹر نے مطالبہ کیا کہ ڈاکٹر عبدالقدیر خان کو محسن پاکستان کے کارنامے نصاب میں شامل کئے جائیں۔
