The news is by your side.

Advertisement

ایاز صادق کا بیان ، عبدالقادر بلوچ نے بڑا فیصلہ کرلیا

کوئٹہ : سابق لیگی رہنما عبدالقادر بلوچ نے ن لیگ سے راہیں جدا کرنے کا فیصلہ کرتے ہوئے کہا سیاسی مستقبل کا فیصلہ 7نومبر کو کروں گا۔

تفصیلات کے مطابق مسلم لیگ ن صوبہ بلوچستان کے صدر عبدالقادر نے ن لیگ سے راہیں جدا کرنے کا فیصلہ کرلیا اور کہا دوستوں اور سیاسی رفقاسے مشاورت جاری ہے ، سیاسی مستقبل کا فیصلہ 7نومبر کو کروں گا اور 7نومبر کوپریس کانفرنس کے ذریعے آگاہ کروں گا۔

گذشتہ روز کوئٹہ میں میڈیا سے گفتگو کرتے ہوئے عبد القادر بلوچ کا کہنا تھا کہ ’پاکستان ڈیموکریٹک موومنٹ کے پلیٹ فارم سے پاک فوج کے خلاف نازیبا زبان استعمال ہوئی‘، ’افواجِ پاکستان کو نشانہ بنانا ناقابل قبول ہے، ثنااللہ زہری کو اسٹیج پر نہ بلانے پر تو بات ہوسکتی تھی مگر میں نے مسلم لیگ ن سے ایک ہی وجہ سے علیحدگی اختیار کی‘۔

مزید پڑھیں : فوج کے خلاف بیانیہ ناقابل برداشت، خود بھی فوجی رہ چکا ہوں، عبد القادر بلوچ

عبدالقادر بلوچ کا کہنا تھا کہ ’ن لیگ سےعلیحدگی کی واحد وجہ فوج کے خلاف بیانیہ ہے کیونکہ میں خود بھی فوجی رہا ہوں، میرے لیے یہ سب قابلِ برداشت نہیں ہے‘۔

اُن کا کہنا تھا کہ مستقبل سےمتعلق ابھی کوئی فیصلہ نہیں کیا اور نہ ہی میرے پاس اتنے وسائل ہیں کہ مسلم لیگ کا کوئی دھڑا بناؤں، ہوسکتا ہے سیاسی سفر شروع کرنے کے لیے کسی دوسری جماعت میں شمولیت اختیار کرلوں یا پھر سیاست سے ہمیشہ کے لیے کنارہ کشی اختیار کرلوں‘۔

Comments

یہ بھی پڑھیں