The news is by your side.

Advertisement

بیت المقدس کی اسلامی شناخت کوئی ختم نہیں کرسکتا، امام کعبہ

ریاض: امام کعبہ شیخ ڈاکٹر عبد الرحمان السدیس کا کہنا ہے کہ بیت المقدس اسلامی شہر ہے اور اس کی شناخت کبھی ختم نہیں ہوسکتی۔

العربیہ کے مطابق ٹرمپ کی جانب سے یروشیلم کو اسرائیل کا دارالحکومت قرار دیے جانے اور امریکی سفارت خانہ تل ابیب سے منتقل کرنے پر ردعمل دیتے ہوئے شیخ عبد الرحمان السیدس کا کہنا تھا کہ بیت المقدس اسلامی شہر ہے اور اس کی یہ شناخت کوئی ختم نہیں کرسکتا۔

سعودی اور الحرمین شریفین کے علماء کی نمائندگی کرتے ہوئے امام کعبہ کا کہنا تھا کہ بیت المقدس مسلمانوں کا قبلہ اول اور تیسرا حرم شریف ہے اور رسول اللہ ﷺ یہاں سے معراج پر روانہ ہوئے تھے۔

مزید پڑھیں: امریکا نے یروشلم کو اسرائیلی دارالحکومت تسلیم کرلیا

اُن کا کہنا تھا کہ بیت المقدس کے معاملے میں سعودی عرب کا اصول مؤقف ہے ، مملکت اس معاملے میں کبھی اپنے نقطے سے پیچھے نہیں ہٹے گی اور ہم فلسطینوں کی حمایت ہر سطح پر جاری رکھیں گے۔

یاد رہے کہ تین روز قبل 6 دسمبر کو امریکی صدر ٹرمپ کا پریس کانفرنس کرتے ہوئے کہنا تھا کہ یروشلم کو اسرائیل کا دارالحکومت تسلیم کرنے کا وقت آگیا اور اس بات کا حتمی فیصلہ بھی کرلیا گیا ہے جس کے بعد اب امریکی سفارتخانے کو چند دنوں میں باقاعدہ طور پر یروشلم منتقل کردیا جائے گا۔

یہ بھی پڑھیں: امریکی سفارتخانے کی منتقلی، عرب لیگ کا ہنگامی اجلاس طلب

امریکی صدر کی جانب سے سفارت خانے کی یروشلم منتقلی کے فیصلے کے اعلان کے بعد دنیا بھر میں تشویش کی لہر دوڑ گئی ہے، اس ضمن میں عرب لیگ نےہفتے کو ہنگامی اجلاس طلب کرلیا۔

Print Friendly, PDF & Email

Comments

comments

یہ بھی پڑھیں