اسلام آباد : جسٹس اینڈڈیموکریٹک پارٹی کےمرکزی جنرل سیکرٹری عبدالوہاب ایڈووکیٹ نے پاکستان تحریک انصاف میں شمولیت کا اعلان کرتے ہوئے عمران خان کیخلاف تمام عدالتوں سے نااہلی کے مقدمات واپس لینے کا بھی اعلان کردیا۔
تفصیلات کے مطابق جسٹس اینڈڈیموکریٹک پارٹی کے مرکزی جنرل سیکرٹری افتخارچوہدری کا ساتھ چھوڑ گئے، عبدالوہاب بلوچ ایڈووکیٹ کی وزیراعظم کے مشیر سیاسی امورنعیم الحق سے ملاقات کی۔
ملاقات میں عبدالوہاب ایڈووکیٹ کاپاکستان تحریک انصاف میں شمولیت اور عمران خان کے خلاف تمام عدالتوں سے نااہلی کے مقدمات واپس لینے کا اعلان کیا۔
محمد آصف قریشی نے بھی پاکستان جسٹس اینڈ ڈیموکریٹک پارٹی چھوڑنے کا اعلان کیا جبکہ سینئر نائب صدرسندھ انور بلوچ نائب صدر سردارمنورعلی خان بھی پارٹی چھوڑ گئے۔
پی جےڈی پی کی رہنما نبیلہ ارم ایڈووکیٹ اور نعمت اللہ نے بھی پی ٹی آئی میں شمولیت کا فیصلہ کیا ہے، نعیم الحق نے عبدالوہاب ایڈووکیٹ سمیت ساتھی رہنماؤں کی شمولیت کا خیرمقدم کیا۔
اس موقع پر عبدالوہاب بلوچ ایڈووکیٹ نے کہا عمران خان کی شکل میں مخلص اور زیرک رہنما میسر آیا، جمہوریت کے استحکام و ترقی کے لئے عمران خان کے نظریے سے متفق ہیں۔
ان کا مزید کہنا تھا کہ 100دنوں میں وزیراعظم نے بہترین گورننس کی بنیادڈال دی ہے، پاکستان کی تعمیر و ترقی میں عمران خان کے ہاتھ مضبوط کریں گے۔
