لاہور: نیشنل ٹی ٹوینٹی میں سنچری بنا کر قومی ٹیم میں جگہ بنانے والے عبداللہ شفیق بھی رکی پونٹنگ اور بابر اعظم کے مداح نکلے۔
اے آر وائی نیوز کی رپورٹ کے مطابق نیشنل ٹی ٹوینٹی کپ میں تیز ترین سنچری بنا کر سلیکٹر کی توجہ اپنی جانب مبذول کروانے والے مڈل آرڈر بلے باز عبداللہ شفیق کا کہنا ہے کہ وہ سابق آسٹریلوی کپتان رکی پونٹنگ اور بابر اعظم کے مداح ہیں۔
انہوں نے کہا کہ ٹی ٹوئنٹی کپ کا معیار اچھا رہا، ڈیبیو پر سنچری بنانا اچھا لگا، ٹاپ آرڈر میں بہت کھلاڑ ی ہیں جب بھی موقع ملا فائدہ اٹھاؤں گا ۔
عبداللہ شفیق نے کہا کہ قومی ٹیم میں موقع ملا تو بہترین پرفارم کرنے کی کوشش کروں گا، نوجوان بلے باز نے بتایا کہ والد صاحب نے انہیں بہت کچھ سکھایا ہے وہ ہی ان کے کوچ ہیں۔
مزید پڑھیں: عبداللہ شفیق کی شاندار سنچری نے ٹیم کو جتوا دیا
اُن کا کہنا تھا کہ ٹیم میں تجربہ کار کھلاڑی تھے ان سے بھی بہت کچھ سیکھا، کوشش تھی اچھا کھیلوں لیکن یقین نہیں تھا کہ اتنی جلد ٹیم میں نام آئے گا، میرا بھی ایک خواب اور گول تھا کہ پاکستان ٹیم میں نام آئے۔
عبداللہ شفیق کا کہنا تھا کہ میری اسٹرنٹھ کٹ اور پل شاٹس ہیں ان پر محنت کرتا ہوں کور ڈرائیو بھی پسند ہے، زمبابوے کے خلاف سیریز میں اچھی کارکردگی دکھانے کی کوشش کروں گا۔
