The news is by your side.

Advertisement

سعودی عرب : ایئر پورٹ کو تباہ کرنے کی کوشش ناکام

ریاض : سعودی عرب کے ابہا ایئر پورٹ کو تباہ کرنے کی کو شش ناکام بنادی گئی حوثی ملیشیا کے حملے پر اتحادی افواج نے فوری کارروائی کرکے ایئر پورٹ کو بچا لیا۔

اس حوالے سے ترجمان اتحادی افواج نے کہا ہے کہ آج بروز ہفتے کو حوثی ملیشیا نے ابہا ایئرپورٹ کو نشانہ بنانے کی ایک اور کوشش کی ہے جسے ناکام بنادیا گیا ہے۔

سعودی ذرائع ابلاغ کے مطابق اتحادی افواج نے کہا ہے کہ حوثی ملیشیا کی جانب سے دہشت گردی کی کارروائیاں کرنے کی تمام کوششیں ناکام بنادیں گے۔

 ترجمان کا کہنا ہے کہ حوثی باغی سعودی عرب کی تنصیبات اور شہری آبادی کو نشانہ بنانے کی مذموم کوششیں تاحال جاری رکھے ہوئے ہیں۔

واضح رہے کہ تین روز قبل بھی حوثی ملیشیا نے سعودی عرب کے جنوبی علاقہ کو ڈرون سے نشانہ بنانے کی کوشش کی تھی جسے ناکام بنادیا گیا تھا۔

واضح رہے کہ تین روز قبل سعودی عرب کے جنوب مغربی شہر کے ابھا ایئرپورٹ کو حوثی باغیوں نے نشانہ بناتے ہوئے حملہ کیا تھا جس ‏کے ‏نتیجے میں ایک مسافر طیارے میں آگ بھڑک اٹھی جسے فوری طور پر بجھا دیا گیا۔

عرب اتحاد نے حملے کی تصدیق کرتے ہوئے اسے دہشت گردی اور جنگی جرم قرار دیا ہے۔ عرب اتحاد نے بیان میں ‏‏کہا کہ بین الاقوامی اڈے کو نشانہ بنانے کی کوشش اور شہری مسافروں کی جان ومال کو خطرے میں ڈالنا ‏‏ایک جنگی جرم ہے۔

حملے پر پاکستانی دفتر خارجہ نے بھی ردعمل دیتے ہوئے کہا کہ پاکستان حوثی عسکریت پسندوں کے حملوں ‏کی سخت  مذمت کرتا ہے۔

سعودی ایئرپورٹ پر حملہ؛ پاکستان کا ردعمل آگیا

اس حوالے سے ترجمان دفتر خارجہ زاہد حفیظ چوہدری نے کہا کہ سعودی عرب کی سلامتی اورامن کو ‏خطرات لاحق ہیں، پاکستان فوری طور پر ایسے حملے روکنے کا مطالبہ کرتا ہے۔

یاد رہے کہ حوثی باغیوں نے سال2015 میں یمن کی حکومت کا تختہ الٹ دیا تھا، جس کے بعد اسی سال مارچ میں سعودی اتحاد نے ان کے خلاف کارروائی شروع کی جس کے نتیجے میں یمن کے ساحلی علاقوں کا کنٹرول حوثیوں سے واپس لے لیا گیا۔

    سعودی عرب کی سربراہی میں فوجی اتحاد حوثی باغیوں کی تحریک کے خلاف سال2015 سے لڑ رہا ہے۔

Comments

یہ بھی پڑھیں