The news is by your side.

Advertisement

دوسرا ٹیسٹ، پاکستان کے عابد علی کی زمبابوے کے خلاف ڈبل سنچری

ہرارے : پاکستان اور زمبابوے کے درمیان ہونے والے دوسرے ٹیسٹ کے دوسرے روز پاکستانی بلے باز عابد علی نے شاندار بیٹنگ کا مظاہرہ کرتے ہوئے ٹیسٹ کیریئر کی پہلی ڈبل سینچری بنا کر شاندار اعزاز اپنے نام کر لیا۔

میچ میں ان کی بہترین کارکردگی کی بدولت پاکستان نے زمبابوے کے خلاف دوسرے ٹیسٹ میچ میں 7 وکٹوں کے نقصان پر 444رنز بنا لیے ہیں۔

عابد علی ہرارے میں ڈبل سینچری بنانے والے پاکستان کے دوسرے اور دنیا کے پانچویں بلے باز بن گئے ہیں، اس سے قبل یونس خان نے ہرارے میں 2013 میں ڈبل سینچری اسکور کی تھی۔

قبل ازیں قومی ٹیم نے ٹاس جیت کر پہلے بیٹنگ کا فیصلہ کیا جس پر عمران بٹ اور عابد علی نے میدان میں اتر کر کھیل کا آغاز کیا ، اوپننگ پر آنے والے عمران بٹ زیادہ دیر وکٹ پر قدم جمانے میں کامیاب نہیں ہوئے اور دو رنز بنا کر12 کے مجموعے پر تریپانو کی گیند پر کیچ آؤٹ ہو گئے۔ ان کے بعد اظہر علی میدان میں آئے اور عابد علی کے ساتھ مل کر بہترین کھیل پیش کیا۔

اظہر علی نے 126 رنز کی شاندار اننگ کھیلی اور شومبا کی گیند پر کیچ آؤٹ ہو کر پویلین لوٹ گئے لیکن ٹیم کی پوزیشن مضبو ط کرگئے۔ ان کے بعد بابراعظم نے میدان سنبھالا لیکن ان کی بیڈ لک رہی اور وہ بھی صرف دو رنز بنانے میں ہی کامیاب ہوئے اور 252 رنز کے مجموعے پر آؤٹ ہو گئے۔

فواد عالم 5 اور ساجد خان 20 رنز بنانے میں کامیاب ہوئے، عابد علی نے کمال بیٹنگ کا مظاہرہ کرتے ہوئے 27 چوکوں کی مدد سے ڈبل سینچری اسکور کی اور تاحال ناقابل شکست ہیں۔

Comments

یہ بھی پڑھیں