سابق انکاؤنٹر سپیشلسٹ عابد باکسر پاکستان منتقل،پولیس حراست میں مارے جانے کا امکان
The news is by your side.

Advertisement

سابق انکاؤنٹر اسپیشلسٹ عابد باکسر پاکستان منتقل،پولیس حراست میں مارے جانے کا امکان

لاہور : سابق انکاؤنٹر اسپیشلسٹ عابد باکسر کو دبئی سے پاکستان منتقل کر دیا گیا، ذرائع نے دعویٰ کیا ہے کہ عابد باکسر کو پولیس حراست میں مارے جانے کا امکان ہے۔

تفصیلات کے مطابق سابق انکاؤنٹر اسپیشلسٹ عابد باکسر کو دبئی سے کراچی منتقل کیا گیا، عابد باکسر کو انٹر پول کے ذریعے کراچی پہنچایا گیا تھا، جس کے بعد انھیں لاہور منتقل کردیا گیا ہے۔

ذرائع کے مطابق عابد باکسرکو تاحال پنجاب پولیس کےحوالے نہیں کیا گیا، تفتیش کے دوران اہم انکشافات متوقع ہیں۔

ذرائع کا کہنا ہے حکومت نے عابد باکسر کو منتقلی کے لئے خفیہ مقام پر لے جانے کی ہدایت کر دی، حکومت کو خدشہ ہے کہ عابد باکسر نے جعلی پولیس مقابلوں کا عدلیہ کے سامنے انکشاف کر دیا تو اہم شخصیات قانون کی گرفت میں آ سکتی ہیں۔

ذرائع نے یہ خدشہ بھی ظاہر کیا ہے کہ عابد باکسر کو پولیس حراست میں مارا جا سکتا ہے۔


مزید پڑھیں : سابق پولیس انسپکٹر اور انکاؤنٹراسپیشلسٹ دبئی سے گرفتار


یاد رہے کہ رواں ماہ کے آغاز میں پنجاب پولیس کے سب انسپکٹر اور معروف انکاؤنٹراسپیشلسٹ عابد باکسر کو دبئی میں انٹرپول کے ذریعے حراست میں لیا گیا تھا، ملزم جعلی پولیس مقابلوں میں مطلوب تھا۔

ملزم عابد باکسر کے خلاف پنجاب میں قتل اور اقدام قتل کے درجنوں مقدمات درج ہیں جو جعلی پولیس مقابلوں میں قتل کیے گئے افراد کے لواحقین کی جانب سے درج کرائے گئے تھے تاہم پولیس افسر مقدمات کا سامنا کرنے کے بجائے دبئی فرار ہو گیا تھا۔

پنجاب حکومت کی جانب سے معطل کیے گئے پولیس انسپکٹر کے خلاف جعلی پولیس مقابلوں میں معصوم شہریوں کے قتل، اغواء برائے تاوان ،قواعد و ضوابد کی خلاف ورزی اور جرائم کی متعدد وارداتوں میں ملوث ہونے پر زندہ و مردہ گرفتاری پر انعام بھی مقرر کیا گیا تھا۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہنچانے کےلیے سوشل میڈیا پرشیئر کریں۔

Comments

comments

یہ بھی پڑھیں