The news is by your side.

Advertisement

عمران خان کا عابد باکسر کے معاملے پر عدالت جانے کا اعلان

لاہور: تحریک انصاف کے چیئرمین عمران خان نے عابد باکسر کے معاملے پر عدالت جانے کا اعلان کردیا۔ انہوں نے کہا کہ عابد باکسر کے مطابق وہ شہباز شریف کے حکم پر قتل کرتا تھا، عابد باکسر ہی وزیر اعلیٰ پنجاب کے چہرے سے پردہ ہٹائے گا۔

تفصیلات کے مطابق پاکستان تحریک انصاف کے چیئرمین عمران خان نے گزشتہ روز گرفتار ان کاؤنٹر اسپیشلسٹ عابد باکسر کے معاملے پر عدالت جانے کا اعلان کردیا۔

عمران خان کہنا تھا کہ عابد باکسر نے کہا ہے کہ شہباز شریف کے حکم پر لوگوں کا قتل کرتا تھا۔ عابد باکسر کے واپس آنے پر دودھ کا دودھ اور پانی کا پانی ہوجائے گا۔ عابد باکسر وزیر اعلیٰ پنجاب کے چہرےسے پردہ ہٹائے گا۔

ان کا مزید کہنا تھا کہ سپریم کورٹ ملک میں قانون کی بالا دستی قائم کر رہی ہے۔ قوم حکمرانوں سے تنگ آچکی ہے۔ سپریم کورٹ کے ساتھ کھڑے ہیں۔ ’جو زبان نواز شریف کی ہے وزرا بھی وہی گفتگو کر رہے ہیں، اداروں پر تنقید اور ان کے خلاف سازش برداشت نہیں کریں گے۔ پاکستان کے لیے تمام اداروں کے دفاع میں کھڑے ہیں‘۔

عابد باکسر کے معاملے پر ان کا کہنا تھا کہ وزیر اعلیٰ پنجاب کے چہرے سے پردہ ہٹائے گا۔ ’اب یقین ہوگیا ماڈل ٹاؤن میں قتل عام کس نے کروایا ہے‘۔

عمران خان نے مسلم لیگ ن کو جلسوں کا چیلنج دیتے ہوئے کہا کہ شریف برادران ملک میں کہیں بھی جلسہ کرلیں۔ ’اگلے دن اسی جگہ پر 2 سے 3 گنا بڑا جلسہ کر کے دکھائیں گے۔

انہوں نے کہا کہ میر شکیل پیسے لے کر پختونخواہ حکومت کے خلاف مہم چلا رہا ہے۔ جیو اور جنگ میں لوگوں کو تنخواہیں نہیں مل رہیں۔

مشعال خان کے معاملے پر عمران خان کا کہنا تھا کہ مشعال خان کو منصوبہ بندی کے ساتھ قتل کیا گیا۔ ’مشعال خان نے کسی قسم کا کوئی توہین مذہب نہیں کیا تھا‘۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Print Friendly, PDF & Email

Comments

comments

یہ بھی پڑھیں