عابد شیرعلی نے الیکشن کمیشن کو دوبارہ گنتی کی درخواست دے دی -
The news is by your side.

Advertisement

عابد شیرعلی نے الیکشن کمیشن کو دوبارہ گنتی کی درخواست دے دی

فیصل آباد : وزیرِ مملکت پانی و بجلی عابد شیر علی نے اپنے امیدواروں کی شکست کو منظم دھاندلی قرار دے دیا، الیکشن کمیشن کو ووٹوں کی دوبارہ گنتی کی درخواست دے دی۔

تفصیلات کے مطابق پنجاب میں ہونے والے بلدیا تی الیکشن میں عابد شیر علی نے الیکشن عملے پر دھاندلی کا الزام لگا دیا۔

ان کا کہنا ہے کہ ہمارے یو سی ناظم کو ووٹوں کی دوبارہ گنتی میں ہرا یا گیا،عابد شیر علی نے الزام لگایا کہ یو سی ناظم شیر کے نشان پر جیتا،رات3بجے ری کاؤنٹنگ میں ہرا دیا گیا۔

انہوں نے الیکشن کمیشن میں دوبارہ گنتی کی درخواست دی ہے۔ وزیرِ مملکت پانی و بجلی عابد شیر علی انتخابی ضابطہ اخلاق کی خلاف ورزی کے حوالے سے الیکشن کمیشن کے روبرو پیش ہوئے۔

اس موقع پر ان کے والد چوہدری شیر علی بھی موجود تھے،میڈیا سے گفتگو کرتے ہوئے ان کا کہنا تھا کہ ہم نے ان حلقوں میں دوبارہ گنتی کی درخواست دی ہے، جہاں ہمارے امیدواروں کو دھاندلی سے ہرایا گیا،ہمارے حلقوں میں ہونے والے انتخابات پرتحفظات ضرور ہیں مگر کسی پرالزام تراشی نہیں کی اور الیکشن کمیشن کو اپنے تحفظات سے آگاہ کیا ہے۔

واضح رہے کہ عابد شیر علی ان کے والد چوہدری شیر علی اور لیگی ایم پی اے طاہر جمیل پر الزام تھا کہ انہوں نے بلدیاتی انتخابات کے دوران ضابطہ اخلاق کی خلاف ورزی کی ہے اور ضابطہ کے برخلاف بلدیاتی الیکشن میں جلسوں کا انعقاد کیا تھا اور ریلیاں نکالی تھیں۔

Comments

comments

یہ بھی پڑھیں