The news is by your side.

Advertisement

اسکول طالبات نے عابد شیر علی کو لاجواب کردیا

فیصل آباد: وفاقی وزیر مملکت عابد شیرعلی نے فیصل آباد میں اسکول کادورہ کیا اورطالبات سے سبق سنا،طالبات نے تو سبق سنادیا لیکن وزیرصاحب ان کے سوال کا جواب نہ دے سکے۔

تفصیلات کے مطابق وزیر مملکت عابد شیرعلی فیصل آباد میں گرلزاسکول ناظم آباد پہنچے تو طالبات نے ان کا بھرپور استقبال کیا، اس موقع پر بچیاں پھول لیے کھڑی تھیں، وزیرمملکت وہ ہی پھول بچیوں پرہی نچھاورکر دیئے۔

عابدشیرعلی خاصے خوشگوارموڈ میں تھے، وزیرمملکت نےاسکول میں مختلف کلاسوں کا معائنہ کیا اور طالبات سے سبق بھی سنا جو انہوں نے فرفر سنادیا۔

اسکول کی طالبات کی جانب سے جب وزیرمملکت سےسوال کیا گیا تو موصوف کی سٹی گم ہوگئی، بچیوں کا کہنا تھا کہ ’’آپ جب بھی اسکول آتےہیں، بجلی نہیں ہوتی‘‘ عابد شیرعلی طالبات کےسوال کا جواب نہ دے سکے اور صرف اتنا کہنے پراکتفا کیا کہ بجلی اپنے وقت پر آجائے گی۔

اسکول کی میڈم نے جلتی پر تیل کا کام کرتے ہوئے کہا کہ بچیوں کو خبر ہے کہ بجلی کے وزیرآئے ہیں۔ یاد رہے کہ عابد شیرعلی نے اسکول میں تو بچیوں کا سبق سنا لیکن کچھ عرصہ قبل وہ قومی اسمبلی میں بھی اپنا سبق نہیں سنا سکے تھے۔

Print Friendly, PDF & Email

Comments

comments

یہ بھی پڑھیں