The news is by your side.

Advertisement

عابد شیر علی نے عمران خان کو سب سے بڑا ڈاکو قرار دیدیا

لاہور : وزیر مملکت برائے پانی و بجلی عابد شیر علی نے عمران خان کو سب سے بڑے ڈاکو قرار دیتے ہوئے کہا کہ چیئرمین پی ٹی آئی نے خیبر پختونخواہ کا سرکاری خزانہ دھرنوں پر اڑایا، بڑی بڑی لیکس آ رہی ہیں، جن میں عمران خان اور ان کے اتحادیوں کے نام شامل ہونگے۔

تفصیلات کے مطابق لاہور میں میڈیا سے گفتگو کرتے ہوئے وزیر مملکت برائے پانی و بجلی عابد شیر علی کا کہنا تھا کہ پانامہ لیکس کا معاملے پر سپریم کورٹ میں دودھ کا دودھ اور پانی کا پانی ہو جائے گا، وزیراعظم تمام الزامات کا عدلیہ میں سامنا کرنے کو تیار ہیں، استعفے کا فیصلہ 2018 کے انتخابات میں عوام کرینگے۔

انہوں نے کہا کہ عمران خان جہانگیر ترین کا درباری ہے، جس کی اپنی آف شور کمپنیاں ہیں، بڑی بڑی لیکس آ رہی ہیں، جن میں عمران خان اور ان کے اتحادیوں کے نام شامل ہونگے۔


مزید پڑھیں : عمران خان رشوت خور ہیں، عابد شیرعلی


عابد شیر علی نے عمران خان کو سب سے بڑے ڈاکو قرار دیتے ہوئے کہا کہ چیئرمین پی ٹی آئی نے خیبر پختونخواہ کا سرکاری خزانہ دھرنوں پر اڑایا، حکومت اور فوج ایک صفحے پر ہیں، فوج کو سیاست میں لانے کی کوشش کرنے والے ضرب عضب اور کراچی آپریشن کے دشمن ہیں۔

انہوں نے کہا کہ شیخ رشید لال حویلی کے باہر 100 بندے بھی اکٹھے نہیں کر سکتا، 2 نومبر کو اسلام آباد بند نہیں ہو گا، دھرنے کا مقصد ریاست پر حملہ کرنا ہے، سیاسی کزن کے محرکات کچھ اور ہیں، وہ غیر ملکی افراد کی مدد سے انتشار پھیلانا چاہتے ہیں۔

Comments

comments

یہ بھی پڑھیں