site
stats
پاکستان

کل پنڈی شہر کو آگ لگانے کی سازش کی گئی تھی،عابد شیرعلی

فیصل آباد : وفاقی وزیر مملکت برائے بجلی و پانی عابد شیرعلی نے کہا کہ مسلم لیگ ن کے قائد کے گھر کی طرف جو بھی آیا اس کی اینٹ سے اینٹ بجا دیں گے۔

تفصیلات کے مطابق وفاقی وزیر مملکت برائے بجلی و پانی عابد شیرعلی نکاسی آب کی ایک اہم اور بڑی اسکیم کا افتتاح کرنے فیصل آباد پہنچے تھے بعد ازاں میڈیا سے بات کرتے ہوئے انہوں نے کہا کہ کل راولپنڈی کو آگ لگانے کی سازش تیار کی گئی تھی اسی لیے ہم نے خاموشی اختیار کررکھی تھی۔

لیکن اگر کسی نے ہمارے قائدین کی جانب انگلی اُٹھائی تو ہم بھی خاموش نہیں رہیں گے ہمارے قائدین کے گھروں پرآنے کی دھمکیاں دینے والے جان لیں کہ پھر لال حویلی کی اینٹ سے اینٹ بھی بجا دی جائے گی۔

انہوں نے عوامی مسلم لیگ شیخ رشید کا نام لیے بغیرمخاطب کرتے ہوئے کہا کہ اخلاقیات میں نہ رہے تو سبق سکھانا جانتے ہیں اگر رائے ونڈ کا نام لیا تولال حویلی کی اینٹ سےاینٹ بجا دیں گے،قائد کےگھر کی طرف قدم بڑھایا توسیاست چھوڑدیں گے۔

فیصل آباد میں سیوریج اسکیم کا افتتاح کرنے کے لیے آنے والے عابد شیر علی کے لیے صورت حال اُس وقت دل چسپ ہوگئی جب انہیں پتہ چلا کہ اس اسکیم کی افتتاح کرنے رات گئے رانا ثناء اللہ بھی آنے والے ہیں۔

اس پر انہوں نے وضاحت کی کہ یہ میرے فنڈز کی اسکیم ہے،یہاں سے میرا نامزد چیرمین منتخب ہوا ہے اسکیم کا اجرا میرے پیسوں سے ہوا،اب کوئی اور بندہ ادھر سے ادھر ہوجائے تو یہ اس پر منحصر ہے۔

واضح رہےعابد شیرعلی اور رانا ثناء اللہ خان یوں تو ایک ہی جماعت یعنی مسلم لیگ ن سے تعلق رکھتے ہیں تا ہم شیرعلی فیملی اور رانا فیملی میں تناؤ تا حال برقرار ہے دونوں خاندان ایک دوسرے کے مقابل بلدیاتی نمائندے کھڑے کرتے آئے ہیں اور ایک دوسرے پر سنگین الزامات بھی لگاتے آئے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top