site
stats
پاکستان

شیخ رشید محکمہ اوقاف کی عمارت پر قبضہ کیے بیٹھے ہیں، عابد شیر علی

راولپنڈی : وزیرِ مملکت برائے پانی و بجلی عابد شیر علی نے کہا ہے کہ شیخ رشید محکمہ اوقاف کی لال حویلی پرقبضہ کر کے بیٹھے ہیں۔

وہ فیصل آباد میں میڈیا سے گفتگو کر رہے تھے انہوں نے عوامی لیگ کے سربراہ شیخ رشید کو ہدفِ تنقید کا نشانہ بناتے ہوئے کہا کہ شیخ رشید سے بڑا کوئی فقیر آدمی نہیں ہے لیکن اب سائیکل پر سفر کرنے والے نے کروڑوں کی جائیدادیں بنا لی ہیں۔

انہوں نے کہا کہ نوازشریف اور پرویز مشرف کے دور میں شیخ رشید فقرا تھا اور اب کروڑ پتی ہیں شیخ رشید بتاناپسند کریں گے ان کے پاس زمینیں اور جائیدادیں کہاں سے آئیں۔

عابد شیر علی نے کہا کہ دربار میں پیسے شیخ رشید کوملیں یا شاہ محمود قریشی کو یہ سب سے بڑے فقیر ہیں اب وقت آگیا ہے کہ نیازی صاحب کی زبان میں ہی جواب دیا جائے۔

انہوں نے کہا کہ ہم نے پرویز مشرف کوحساب کتاب دیا اب عدالت میں بھی دے رہے ہیں لیکن یہ خان صاحب اور ان کے مداری اپنا حساب کب دیں گے۔

عابد شیر علی نے کہا کہ تین سال سے معزز اداروں اور ملک کی اعلیٰ شخصیات کے خلاف غلیظ زبان استعمال کی جا رہی ہے لیکن ہم نے برداشت سے کام لیا لیکن اب جس زبان میں وہ بات کریں گے اسی زبان میں جواب دیاجائے گا۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top