The news is by your side.

Advertisement

خیبرپختونخواہ حکومت ریلو کٹا ہے، شیخ رشید سے لال حویلی خالی کروائیں گے، عابد شیر علی

اسلام آباد: وزیرمملکت عابد شیر علی نے کہا ہے کہ فوجی عدالتوں کا قیام ظالموں کے خلاف اور پاکستان کے مفاد میں ہے اس کی توسیع پر کسی کو تکلیف نہیں ہونی چاہیے، خیبرپختونخواہ حکومت ریلو کٹا ہے۔

میڈیا سے گفتگو کرتے ہوئے عابد شیر علی مخالفین پر گرجے برسے، انہوں نے کہا کہ پاناما کیس میں شیخ رشید کا تابوت نکلتا نظر آرہا ہے، عدالت کو شیخ رشید کے بیان توہین عدالت کے زمرے میں لینا چاہیے، عدالت کسی کی خواہشات کے مطابق فیصلہ نہیں دیتی بلکہ قانون کو مدنظر رکھ کر کرتی ہے۔

عابد شیر علی نے کہا کہ پنجاب حکومت ہر صورت میں شیخ رشید جیسے ریلو کٹے سے لال حویلی خالی کروائی گی، عمران خان پر تنقید کرتے ہوئے اُن کا کہنا تھا کہ ’’چیئرمین تحریک انصاف فاتح ٹیم کو کھانے پر تو بلا نہ سکے اور بڑی بڑی باتیں کرتے ہیں، عمران خان لوگوں کا دل جیتنے میں ناکام ہوگئے۔

انہوں نے کہا کہ خیبرپختونخوا حکومت ریلے کٹا ہے اور اب ان کا دور ختم ہونے والا ہے، سیاسی نظام میں 12 ویں کھلاڑی کی کوئی گنجائش نہیں ہوتی، حکومت اپنا کام کرنے کے بعد فیصلہ عوام پر چھوڑ دے گی پھر اُن کا جو بھی فیصلہ ہوگا وہ قبول کریں گے‘‘۔

Print Friendly, PDF & Email

Comments

comments

یہ بھی پڑھیں