The news is by your side.

Advertisement

ایبٹ آباد: ٹریفک حادثہ، 10 افراد جاں بحق، 6 زخمی

ایبٹ آباد: سبزی منڈی موڑ کے قریب ایک گندم سے بھرا ٹرک وین پر الٹ گیا جس کے نتیجے میں 10 افراد جاں بحق اور 6 شدید زخمی ہوگئے۔

تفصیلات کے مطابق ایبٹ آباد کے علاقے سبزی منڈی موڑ پر پیش آیا انتہائی افسوس ناک واقعہ جہاں گندم سے بھرا ٹرک ایک مسافر وین پر الٹ گیا جس کی زد میں آکر 10 مسافر جاں بحق ہوگئے، ابتدائی اطلاعات کے مطابق مسافر وین اسلام آباد سے مانسہرہ جارہی تھی جس میں 18 افراد سوار تھے۔

مقامی پولیس کا کہنا ہے کہ اس حادثے میں دس افراد جاں بحق اور چھ زخمی ہوئے ہیں جنہیں ایوب میڈیکل کمپلیکس منتقل کردیا گیا ہے، جہاں انہیں طبی امداد فراہم کی جارہی ہے، جبکہ واقعے سے متعلق تحقیقات کی جاری ہیں۔

حیدرآباد: ہوسڑی میں ٹریفک حادثہ ‘ 10 افراد جاں بحق

دوسری جانب اٹک کے علاقے کوہاٹ روڈ میں بھی پیش آیا افسوس ناک واقعہ جہاں باراتیوں کی وین حادثے کا شکار ہوگئی جس کے نتیجےمیں ایک بچی اور دو خواتین سمیت چار افرادجاں بحق جبکہ تیرہ زخمی ہوگئے۔

علاوہ ازیں بھکر میں تیز رفتار بس نے رکشے کو روند ڈالا جس کے باعث تین خواتین سمیت چار افراد جاں بحق ہوگئے، بعد ازاں اہل علاقہ نے واقعے کے خلاف بھرپور احتجاج کیا اور بس ڈرائیور کو غفلت برتنے پر سخت سزا دینے کا مطالبہ بھی کیا گیا۔

خیال رہے کہ گذشتہ دنوں حیدر آباد کے علاقے ٹنڈو محمد خان روڈ پر مسافر وین اور ٹرک میں تصادم ہوا تھا کے نتیجے میں دس افراد موقع پر ہی جاں بحق ہوگئے تھے۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں