site
stats
پاکستان

ایبٹ آباد، نجی اسکول میں ایڈمن افسر نے احتجاجی طلباء پر فائرنگ کردی

ایبٹ آباد : نجی اسکول میں کم نمبر آنے پر احتجاج کرنے والے طالب علم پر ایڈمن افسرنے طلبہ پرکلاشنکوف تان لی۔

تفصیلات کے مطابق ایبٹ آباد میں واقع نجی اسکول کے طلبہ نے امتحانات میں نمبرز کم آنے پرانتظامیہ کا گھیراؤ کیا اور احتجاج کیا جس پر کالج کے ایڈمن افسر نے طیش میں آکر احتجاجی طلبہ پر کلاشنکوف تان لی اور فائر کرنے کی دھمکی دی۔

طلبہ کے احتجاج جاری رکھنے پر ایڈمن افسر نے ہوائی فائرنگ کردی جس کے باعث طلباء میں بھگدڑ مچ گئی جس کے باعث کئی طلباء گر کر زخمی ہوگئے جنہیں طبی امداد کے لیے اسپتال لے جایا گیا۔

اسپتال انتظامیہ کا کہنا تھا کہ ناخوشگوار واقعے میں طلباء کو معمولی زخم آئے ہیں جنہیں طبی امداد فراہم کرنے کے بعد واپس گھر بھیج دیا گیا ہے۔

نجی اسکول کے ایڈمن افسرکی کلاشنکوف تانے اور فائرنگ کرتے ہوئے فوٹیج اے آر وائی نیوز نے حاصل کر لی ہے جس میں کالج کے ایڈمن افسر کو کلاشنکوف لہراتے اور طلباء پر تانے ہوئے دیکھا جا سکتا ہے۔

صوبائی انتظامیہ نے ناخوشگوار کا واقعے کا فوری نوٹس لیتے ہوئے محمکہ تعلیم کے اعلیٰ حکام سے تحقیقات کرانے کا عندیہ دیا ہے جس کی رپورٹ کی روشنی میں ذمہ دار کے خلاف سخت کارروائی کی جائے گی۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top