پاکستان کے معروف گلوکار ابرار الحق نے مشہور بالی وڈ فلمساز کرن جوہر کے خلاف قانونی کارروائی کرنے کا اعلان کر دیا ہے۔
فلمساز کرن جوہر نے اپنی فلم ”جگ جگ جیو“ کے لیے ابرار الحق کا مشہور زمانہ گانا ”نچ پنجابن نچ“ بغیر اجازت استعمال کیا تھا۔
سماجی رابطے کی ویب سائٹ ٹوئٹر پر اپنے ویڈیو بیان میں ابرار الحق نے کہا کہ میں بالی وڈ پروڈیوسر کرن جوہر اور ٹی سیریز کے خلاف عدالت جاؤں گا، میں نے آپ کو گانے کے حقوق دیے ہی نہیں۔
گلوکار نے کہا کہ اب عدالت میں ملاقات ہوگی۔ ابرار الحق نے ٹوئٹ میں ”اسٹاپ اسٹیلنگ اوور سونگز“ کا ہیش ٹیگ بھی استعمال کیا۔
Stop stealing our songs
.
.@karanjohar @TSeries @DharmaMovies #StopStealingOurSongs pic.twitter.com/6EMJ6rZRlD— Abrar Ul Haq (@AbrarUlHaqPK) June 4, 2022
خیال رہے کہ بغیر اجازت فلم میں گانا استعمال کرنے پر ابرار الحق نے کرن جوہر کو قانونی چارہ جوئی کی دھمکی دی تھی جس کے بعد فلمساز نے ”نچ پنجابن نچ“ کا کریڈٹ گلوکار کو دیا تھا۔
انسٹا گرام پر کرن جوہر نے فلم ”جگ جگ جیو“ کے گانے ”پنجابن“ کا پوسٹر شیئر کیا تھا جس میں گانے اور لیرکس کا کریڈٹ ابرار الحق اور بھارتی موسیقار تنشک باغچی کا دیا گیا تھا۔
View this post on Instagram
