The news is by your side.

Advertisement

ابوظبی ائیرپورٹ نے اہم اعزاز اپنے نام کرلیا

ابوظبی: ابوظبی انٹر نیشنل ایئرپورٹ نے بڑا اعزاز اپنے نام کرلیا۔

میڈیا رپورٹ کے مطابق ابوظبی ایئرپورٹ نے حال ہی میں وسطی لندن میں منعقدہ گلوبل ٹریول ریٹیل ایوارڈز میں ’’ بہترین ایئرپورٹ برائے ریٹیل ماحولیات دوہزار اکیس ‘‘ کا ایوارڈ اپنے نام کرلیا۔

کارپوریٹ اسپانسرز (ٹی آر بزنس) اور مائنڈ سیٹ نے اس ایوارڈ کا اعلان صارفین بلاگرز کے ایک پینل کی وسیع آرا (وی لوگر) اور ہزاروں بین الاقوامی مسافروں کی رائے کو مدنظر رکھ کرکیا۔

اس موقع پر ابوظبی ہوائی اڈے کے چیف کمرشل آفیسر فرانکوئس بوریئن نے اپنے بیان میں کہا کہ انہیں اس کامیابی پر بہت خوشی ہے کیونکہ یہ ابوظبی انٹرنیشنل ایئرپورٹ کو ایک اہم ایئرپورٹ ریٹیل تجربے میں تبدیل کرنے کے لئے ہماری محنت کا اعتراف ہے۔

انہوں نے کہا کہ یہ صرف آغاز ہے، ہم اپنی ریٹیل آفر کو بڑھانا چاہتے ہیں اور ابوظبی ہوائی اڈے کو مسافروں کے لیے ایک شاندار اور خوشگوار تجربہ بنانا چاہتے ہیں۔

Comments

یہ بھی پڑھیں