The news is by your side.

Advertisement

ابوظبی میں سنیما دوبارہ کھولنے کا فیصلہ

ابوظبی: متحدہ عرب امارات کی ریاست ابوظبی میں کورونا وائرس کے پھیلاؤ کو روکنے کے لیے مقرر احتیاطی تدابیر پر عمل کرتے ہوئے تیس فیصد گنجائش کے ساتھ سنیما دوبارہ کھولنے کا فیصلہ کیا گیا ہے۔

عرب میڈیا کے مطابق ابوظبی کی ایمرجنسی، کرائسز اینڈ ڈیزاسٹر کمیٹی نے فروری میں سنیما بند کرنے کی منظوری دی تھی۔

حکام کے مطابق کسی ایک ہی خاندان کے ممبران کے علاوہ کوئی ملحقہ نشستیں مختص نہیں کی جائیں گی۔

سنیما کی تمام سیٹوں کو شو کے اوقات کے درمیان صاف کرنا ضروری ہوگا اور صفائی ستھرائی کے اس عمل کو آسان بنانے کے لیے اسکریننگ کے درمیان کم از کم 20 منٹ کا فاصلہ طے کرنا ہوگا۔

علاوہ ازیں کام کے اوقات کے بعد پورے سنیما کو ڈس انفیکشن کرنا ہوگا۔

واضح رہے کہ دبئی کے حکام نے کورونا وائرس کے پھیلاو کو روکنے کے لیے کافی شاپس میں بچوں کی بوتلوں میں مشروبات دینے پر پابندی عائد کی ہے۔

امارات میں اس سال کے آغاز سے کورونا کے نئے کیسز میں اضافہ دیکھنے میں آرہا ہے، اس کی بڑی وجہ تعطیلات کے دوران بڑی تعداد میں سیاحوں کی آمد ورفت ہے۔

یاد رہے کہ متحدہ عرب امارات میں وائرس کے مجموعی متاثرین کی تعداد چار لاکھ پانچ ہزار277 ہوگئی ہے۔

پچھلے چوبیس گھنٹوں کے دوران جدید تشخیصی آلات کی مدد سے کورونا کے مزید دو لاکھ 42 ہزار 742 ٹیسٹ کیے گئے ہیں۔

Comments

یہ بھی پڑھیں